Ebreu 10:5 - Fanawbuid tagsibaliwas Fakayabian

⁵ Aroro katanya, gina tam Fun Isus andasug ste swa daga, kanya nalong sas Dius te, “Wo kaylat ngay fanggalangun ay ngay famonun. Fakatanyaun nafalganan o ku bilug laman sik matuyan fag fanggalangun.

Ebreu 10:5 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Isayas 1:11

Katatuy Yawi at longan te, “We tungkul sa angku ay ngay fanggalangun dewa ngayu. Kasuya kwan ay ngay fagirugun fag ngay tupa anggan ay fanggalangun fag ngay baka at taba. Ay kwa guseganan ya ay fanggalangun fag ngay baka ay ngay kambing at taguk.

Isayas 40:16

Tagsis Lebanun fag ngay mangilafang ya kasakan laman fagnangirugun fag ngay fanggalangun, ay tagsanya fag ngay kayu ya kasakan laman famaygang sa sangay fagirugan.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Mateu 11:3

laman nanginto sas Isus te, “O o wan ebi at foyungan tagakadasugun? Ay o mannga gfanya yay ban mi?”

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 7:19

Ay Uan nauro at tagadal at dua, ay nasugu laman nanginto sa tam Fun te, “O o wan ebi at foyungan tagakadasugun, ay o mannga gfanya yay ban mi?”

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Ebreu 1:6

Ay dewa katanya, gina Dius gsugu at Baguama fag sesadi ste swa daga, kanya nalong te, “Masine Dius at tagbarita fagayu nu gseg tua ban anya.”

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

Ebreu 10:7

Ay nalong au te, ‘Ku Dius, andasug au laman gfakamulun au am fakaylatun, kata sit Rirukan sis Dius at Longan sabaliwa angku.’ ”

Ebreu 10:8

Taguna kanya nalong te, “Wo kaylat ay wo guseganan ngay fanggalangun ay ngay famonun, ay fagirugun fag ngay fanggalangun ay famalyam asalanan fag ngay fanggalangun,” dewa kanya, gfaning Muisis at Faugali, kanya fagayu nafon kafag ngay fanggalangun.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

Ebreu 8:3

Nafili fagayu tiba tungud fag ngay tagfon fanggalangun laman tagfon ngay famonun ay ngay fanggalangun. Nu katanya anggan nangus tam tiba tungud fag tagfon fanggalangun e famonun yangay.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.