Ebreu 10:4 - Fanawbuid tagsibaliwas Fakayabian

⁴ Aroro baka tama at taguk ay kambing at taguk wa mafafalyam taw at ngay asalanan.

Ebreu 10:4 ပူးပေါင်းရင်းမြစ်များ

Alubad. 51:16

Wa ngap o kaylat ngay fagirugun fag ngay fanggalangun. Nu kaylat di o, nafon kwa ro emu.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Markus 12:33

Nu kesug tuo tam Dius sas fagdaul am amatanganan, ay sas fagdaul am fagsafulun, ay sas fagdaul am fagmabitsugun, ay nu kesug o am iba kaksvn nu kesug o emu, kanya tua tagtungud fagayu fagirugun fag fanggalangun ay kamayewa fag fanggalangun.”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Ruma 11:27

Katanya ku fatuyanan sanya fag ngay taw, gina kban nafalyam at ngay asalanan.”

Ebreu 10:1

Muisis at Faugali sik malikbug yay fag aninu, sik fafaskudanan sat masine takadasug yay ban. Kafag Faugali bunwa kanya at matuyan, nu katanya wa mafafasine fagayu taw at nangakbang sas Dius siginan at ngay fanggalangun at fagnamonun galay banwa.

Ebreu 10:11

Kayu menit fagayu tagfon fanggalangun malayun nu gfon fanggalangun. Katanya way gugat at ngay fon fag ngay fanggalangun ay wa ngap mafalyam taw at ngay asalanan.

Ebreu 10:8

Taguna kanya nalong te, “Wo kaylat ay wo guseganan ngay fanggalangun ay ngay famonun, ay fagirugun fag ngay fanggalangun ay famalyam asalanan fag ngay fanggalangun,” dewa kanya, gfaning Muisis at Faugali, kanya fagayu nafon kafag ngay fanggalangun.

Ebreu 9:9

Kafag bale ramit sik faydayuanan way sabaliwa katsi fag buknga. Nu katanya, mayamag te, ngay tagfon fanggalangun at nafon fag ngay fanggalangun wa mafafasine ngay tagseg at ngay amatanganan.

1 Uan 3:5

Nasaful am te, Isus at fagindasugun, laman namalyam tam asalanan. Ay kanya di e asalanan.