Ebreu 1:9 - Fanawbuid tagsibaliwas Fakayabian

⁹ Kaylat tuo fagmatuyanun, ay kauri o at mauri. Nu katanya, am Dius nafili emu, ay nafae fagusegananun emu gtungud yay sa am ngay iba.”

Ebreu 1:9 ပူးပေါင်းရင်းမြစ်များ

Alubad. 11:5

Kanya ginsaful at matuyan ay at mauri. Ay kanya kadotama at takamabul fag taw.

Alubad. 119:104

Siginan am ngay fagaloan, kaksvn tua ku fagmatogdungugun, nu katanya, kauri kway at mauri fag ngay fakamulun.

Alubad. 119:128

Galo ktua fagayu am ngay fagaloan, ay kauri au at mauri fag ugali.

Alubad. 2:2

Ngay fun ay ngay tagfangguna anful ay gkamatoan laman gfalganan namawayan Yawi ay at nafili fag fun.

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 23:5

Gfafalganan o laman sa angku sik yafun daul si ku ngay fawayan at salubangan. Ay naugwag o sa ku alfuyu langis, laman famatoglag te, kaylat tuo ay guseganan angku. Ay ku taya at bilug gsawe tua gugat.

Alubad. 33:5

Yawi at fakaylatun at matuyan tua ay kanya tagsaful gfawabilugan. Ay kanya nu mafangesug kalag sas fagdaul daga.

Alubad. 37:28

Yawi kaylat fagmatuyanun, ay di gfabayan ngay taw at matuyan sa anya. Dewa katanya, at mauri fag ngay taw at sugfun umkalyam wan.

Alubad. 40:8

Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Alubad. 45:6

At mabalyanan, nu gfagtainan o, we fakatabuan, ay matuyan tua nu gfunan o.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 89:20

Ay kanya Dabid, nafili au anya siginan nu gugwag sik mafilian fag langis sat alfuyu.

Alubad. 89:26

Kanya gtuyan te, ‘O wan ku Mama ay ku Dius, ay o yangay ku fagsarigan fag gang ay ku tagfalangfe.’

Fangatulun 8:13

Sik taw tagsuyu Yawi, di gfakamulun sas fagmauriun. Ay kauri au takamabo ay takamatungudun, ay takamuag ay fagayu tagugali at mauri.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Sakaryas 8:17

Lag am gamatangan sa ay ngay iba at mauri, ay lag am glong at yud matuyan aroro kanya wa masine sa angku.”

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 10:17

“Ku Mama kesug angku aroro namon au ku leleg sa anya fagayu laman kanya fagayu e leleg tua, ay sanya ginan gdog kyay ban gleleg.

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 4:26

Ngay fun sas fagdaul daga ay anggan ngay tagfangguna maful laman gfalganan namawayan em Fun, am nafili.’

Fakamulun 4:27

Nu katanya, Erudes ay Pilatu ay at yud Udyu fag ngay taw ay ngay taw Israel ansadi laman namawayan am fagsuguan Isus, am nafili fag Fun.

Ruma 12:9

Matuyani tua nu kedkesugan am. Aurii at mauri, ay esugi at masine.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

1 Kurintu 1:9

Matuyan tam Dius at nauro ayu laman masadi am sat Baguama, Isus tam Fun.

2 Kurintu. 11:31

Matuyan ku longan, kdi kamuag. Dius, tam Fun Isus at Mama, nasaful wan. Kabavn segi anya.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Filipus 2:9

Ay Dius nafabalyanan anya ay nafon at ngayan gtungud yay tibak ngayan,

Ebreu 2:11

Isus, at nafa yud e malong antam, ay itam, sadi way tam Mama. Nu katanya, Isus wa kapla gtuyan antam te, at ngay faduksay.

Ebreu 2:9

Dewa katanya, nalag watam Isus. Sik buknga sirut Dius nafababa Isus at kamafanudan, ay ginanya Isus wa kamafanud ya at ngay tagbarita. Ay dewa katanya, katsi Dius nafae fagmasineun tua anya ay nafauseganan aroro kanya nadalan wan sas fakabulun laman at nabulanan e tungkul tua sas fagayu taw aroro siginans Dius at fagmagalangun.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

At Nafasure 2:15

Ay tiba si ayu gfaning way ngay taw Nikulaita at foyungan.