Ebreu 1:7 - Fanawbuid tagsibaliwas Fakayabian

⁷ Katatuy Dius at Longan nu sa man baliwa at ngay tagbarita, “Mafakata kways tagmara ngay tagbarita, ay at ngay fagsuguan kata sik afuy at igang.”

Ebreu 1:7 ပူးပေါင်းရင်းမြစ်များ

Fakasigadan 3:24

Yawi nu naiyan wan dadwa sanya ginan fag tanuman, nafasas fakamenitan baliwa duak awatan at ke fakfak. Ay nafasanya yangay sik tagigang fag fiso gribungan gugat laman we manangakbang sanya fag fun kayu tagfon leleg.

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

2 Fun 2:11

Kaduge duama glao gfansulitan, sik ngay kabayu tagigang at ke faguyudan tagigang yangay masakit andasug. Ay kanya nadalan sas duama at wabilug ay nafasaruayan duama, ay nabuba Elyas sas banwa siginan sik tagribungan fag tagmara.

2 Fun 6:17

Ay Elisyu gdarangin te, “Yawi, luangi ku fagsuguan at ngay mata laman glag.” Ay Yawi naluang Elisyu at fagsuguan at ngay mata. Ay kafag fagsuguan nalag te, ngay kabayu mapnu ngay buksul, ay tagigang fag ngay faguyudan gligung Elisyu.

Alubad. 104:4

Nawat o tagmara am tagfadasug barita, ay ngay limbad am fagsuguan.

Isayas 6:2

Sit tungud alfuyu e ngay awatan tagsiginans banwa. Ay galay at sadi e unumk fakfak. At fakfak at dua gtabun at mesa mata, ay at dua gtabun at mesa darafa, ay at dua at fanlayug.

Daniel 7:10

Ay afuy gfamilugan siginan anya. Ay ngayuk tagbarita gfauseganan anya. Kanya nafalganan wan nanwabilug, ay nalunggab ngay fafil laman nanginsaful.

Sakaryas 6:5

Kanya nabalus angku te, “Kanya fagayu ufatk tagmara taguyup sas kiwang siginans fagdaul daga at Fun Dius.

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.