Ebreu 1:3 - Fanawbuid tagsibaliwas Fakayabian

³ Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 1:3 ပူးပေါင်းရင်းမြစ်များ

1 Krunika 29:11

“Yawi, o wan at fun sas fagayu nusnge wain, ay at mabalyanan, ay sik fagsuyuun tagtungud sas fagayu, ay at mauseganan! Aroro o way tagagbilug fagayu tagsis banwa ay tagsis daga.

Ub 37:22

Siginans fawalan fag alvngvdan, Dius at fagmasuloun takata sik gintu kadasug, ay at fagmaduloun gligung anya.

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Alubad. 75:3

Gina ban fagdaul daga nauigan ay gina ngay taw kalimu, gfaogat kban fagdaul daga at fagtungkudan.

Takamoyung 8:4

Fun nu nasugu, mabalyanan ay we masalag.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Mateu 22:24

Ay kanya nainto sas Isus te, “Takamoyung, ebi Muisis nafoyung te, sik mangama nu nbul ay way nke sisian, at faduksay fag mangama nantiugi yap sat faduksay at bubay ay namae sisiani, tuga ban at faduksay at sisian.

Markus 16:19

Ay tam Fun Isus nu nalong wan sat ngay tagadal takatanya, e nafabat anya sas banwa ay kanya nananmalunggung sas Dius at siun baliwa.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

Uan 1:4

Kafag Longan leleg, ay kafag leleg kanya wan fagmayamagun sas fagayu taw.

Fakamulun 2:33

Ay Isus nu siwas banwa, namalunggung sis Dius at siun baliwa, ay kanya nagbilug at Mama at nafatuyanan sa anya at Masine fag Falad. Ay Isus nafon yangay sa emi at Masine fag Falad kata ay nalag ay ay nadungug katsi.

Fakamulun 7:56

Ay Esteban nalong te, “Damai, glag au banwa maluangan ay Isus, Taw at Baguama nu malindug sis Dius at siun baliwa.”

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 8:34

Nu katanya, sinu ya at mafaurianan antam? Tam Fun Isus bundi lang anbul ay nadog naleleg, nu bunway kanya malunggung yangay sis Dius at siun, ay gwabilug antam gdarangin sas Dius.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

Kulusas 3:1

Dius nafadog wan nafaleleg ayu gasfuan tam Fun Isus. Nu katanya, ay fagamatanganun fasai tua gugat sbanwa, sa tam Fun Isus, at malunggung sis Dius at siun.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 1:13

Kabavn Dius wa batang glong sas nusnga sinu fag tagbarita te, “Malunggungi sa ku siun fag tigyangan, nu dyakmay ban au nafasa am daga darafa am ngay fawayan.”

Ebreu 10:12

Ay tam Fun Isus sayginan way gfon fanggalangun laman famalyam tam ngay asalanan. Ay sanya ginan, kanya malunggung sas Dius at siun.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 7:27

Isus wa kata tibak tagfon fanggalangun, tagfon gugat at fanggalangun kayu menit, taguna laman sat sadili asalanan ay sanya ginan laman sa sangay taw at ngay asalanan. Isus sadi ginan way nu gfon fanggalangun, gina way lang gfon at sadili sas fagayu taw.

Ebreu 8:1

Katatuy fagdaul ku foyungan ayu te, e tiba tungud tam fag tagfon fanggalangun at malunggung sis banwa sat mabalyanan fag Dius at siun.

Ebreu 9:16

Nu e rirukan ay nu e suguan taguyan, at masine nu gfatuyan te, anbul wan at nafakamulun katanya.

Ebreu 9:26

Nu katanya way ro, tam Fun Isus ro gdog way gugat gidapan siginan ngay fagdaul daga nu bagu nkawat. Ay at matuyan, kanya sadi ginan way kasure, katsi gina fakatabuan fag ngay buknga, laman gfamin wan asalanan siginan nu gfon at sadili.

1 Pedru 1:21

Aroro siginan anya gafanud tuam sas Dius, at nafadog nafaleleg ay at nafauseganan anya. Nu katanya, e fagafanudun tuam ay e fagsegun sas Dius.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.

2 Pedru 1:16

Em foyungan sa ayu sa baliwa tam Fun Isus at fagmabalyananun nu gdog ban kadasug, bundi lang siginans taw at fagsafulun ay at fagmamatanganun. Nu bunway nalag ami fia at fagmabalyananun,

2 Pedru 1:17

gina tam Dius tam Mama gfon anya fagmasineun ay famauseganan. Anfasludan takatanya gina Dius garingang siginan tiba tungud fag fagmasineun te, “Tuy ku fakesugun ku Baguama; maksvn nu guseganan au anya.”

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

1 Uan 3:5

Nasaful am te, Isus at fagindasugun, laman namalyam tam asalanan. Ay kanya di e asalanan.

Udas 1:25

Sadi way tam Dius tam Tagfalangfe. Siwa anya fagmasineun ay fagmabalyananun ay fagmafagtainanun ay fagmafunanun siginan tam Fun Isus siginans fakasigadan, dasug katsi ay kabavn ban. Anud.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

At Nafasure 4:11

“Em Fun ay em Dius, e fagmasineun tuo gbul famauseganan ay nu gseg, ay fagmabalyananun, aroro fagayu nusnge wain o wan at nawat. Ay gfaning kata am fakaylatun, kanya fagayu ankawat.”