Ebreu 1:10 - Fanawbuid tagsibaliwas Fakayabian

¹⁰ Dius nalong yangay te, “Ku Fun, siginan ngays fakasigadan o wan at nawat daga, ay am daluap nawat banwa.

Ebreu 1:10 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Alubad. 19:1

Banwa gfalag te, Dius mabalyanan. Ay at ngay awatan tagsis banwa gfalag te, kanya e fagsafulun.

Fangatulun 8:29

ay gina gfae tigyangan dagat laman mamam di glangfe, ay gina kawat fagdaul daga at fagtungkudan.

Isayas 40:12

Sinu at masuad sat daluap fagdaul dagat, ay sinu at madango banwa? Ay sinu at masuad fagdaul daga sa sik bang, ay sinu at mafafabudbungguan ngay buksul ay ngay fungsu?

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Isayas 51:6

Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Deuterunumyu 4:19

Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.

Ebreu 12:27

Nalong te, “Sik lao ya ban.” At masuad te, Dius ban gfamin fagayu nusnge wain at awatan takauig, laman ban fagayu nusnge wain at yud kauig we fakatabuan kabavn.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,