Ebreu 1:1 - Fanawbuid tagsibaliwas Fakayabian

¹ Ebi Dius naringang sa tam ngay mangaguyang ngayu ginan siginan at ngay taglong, ay saman wa samank balyawvtan.

Ebreu 1:1 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 6:3

Nu katanya, Yawi nalong te, “Kwa kaylat ngay taw nu ngaduge nu gleleg, aroro kanya taw way. Nu katanya, siginan ban katsi, taw nu gleleg wa glangfe sadik sandan duak safuluk banwa.”

Uel 2:28

Sanya ginan, namon kban ku Falad sas nusnga sinu fag taw. Ay ay ngay sisian ban namoyung ku ngay longan. Ay ay ngay fagtainan ban umke ngay taginfan. Ay ay ngay baguama ban lumag ngay taginfan.

Lukas 1:55

Katanya at longan sa tam ngay mangaguyang, sas Abrayam ay sat ngay kasugfunanan.”

Lukas 1:72

Ay Dius nafalag at fakafanyun at nafatuyanan sa tam ngay mangaguyang, ay namafasludan ban at yud e malong fag nasadian,

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Uan 16:13

Ay nu ndasug ban kanya fag Falad tagfasure at matuyan sabaliwa Dius, kanya ban ggubuk ayu laman sumaful am sabaliwas fagmatuyanun. Aroro kanya ban at foyungan bundi siginan at sadili longan, nu bunway siginan tua at nadungug, ay gfoyung yangay ban sa ayu nusnge wain takafasludan ban.

Uan 7:22

Muisis nafon sa ayu suguan sabaliwas fakatoglagan, (ay bunwa Muisis at nafasigad kafag suguan nu bunway siginan yay ay ngay mangaguyang,) nu katanya gfae fakatoglagan way am sik munama dewa sis Famiangalay fag Menit.

Uan 9:29

Nasaful ami te, Dius naringang sas Muisis, ay wami saful te, daginan kanya fag taw.”

Fakamulun 13:32

“Ay katsi ste ami laman namoyung sa ayu at Masine fag Barita, Dius at nafatuyanan sa tam ngay mangaguyang.

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 3:21

Dius ban yakmay nafabagu fagayu nusnge wain, kata at foyungan sat ngay taglong ebi taguna, kanya ban gbanwan yay gugat sis banwa.

Ebreu 11:18

Dius dewa nafatuyanan sa anya te, “Takatap ban fia am kasugfunanan tagsiginan way lang bans Isak.”

Ebreu 11:2

Dius maksvn nu guseganan ebi taguna fag ngay taw, aroro gafanud tua sa anya.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 2:2

Ngay tagbarita at foyungan matuyan. Ay fagayu takamabo kafag foyungan nabul wan at kasakan fag faurianan laman sa anya.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.

Ebreu 3:5

Muisis, Dius at fagsuguan, matuyan tua nu gfangguna Dius at ngay taw, ay fagayu at nafakamulun sik fafaskudanan sabaliwa takafasludan yay ban.

Ebreu 4:8

Uswe ro at fagfanggunaun fag ngay taw nu si di wa ro at matuyan fag fagfiangalayan, Dius ro wa nalong ya sabaliwa takadasug ban fag fagfiangalayan.

Ebreu 5:5

Katanya yangay, bunwa tam Fun Isus at nafabat at sadili laman sik tiba tungud fag tagfon fanggalangun. Dius tua at nafili anya, ay nalong anya te, “O wan ku Baguama, ay katsi au wan am Mama.”

Ebreu 9:19

Muisis gina gfoyung Dius at longan sas fagayu taw, kanya nabul sik baka riangan at taguk ay kambing at taguk gsuglatan sik mamam, ay sik tupa sigyu maraska, ay sik balanuy, ay kanya nafaramsig sas Dius at Longan fag fafil ay sa sangay taw.