Deuterunumyu 9:3 - Fanawbuid tagsibaliwas Fakayabian

³ Dewa katanya, katsi lumag am ay Dius Yawi nu gfangguna ayu ay namamin fagayu ay ngay fawayan kata afuy nu gfamin. Kanya ban namabo anya fagayu laman masakit nu gaiyan am ay gfamin kata Yawi at fatuyanan sa ayu.

Deuterunumyu 9:3 ပူးပေါင်းရင်းမြစ်များ

Nu Galin 23:23

Ku tagbarita nangguna ayu, ay nantabanan ayu sa sangay taw Amur, taw Ket, taw Peres, taw Kanaan, taw Kib ay taw Ebus at talun, ay namamin kban anya fagayu.

Nu Galin 24:17

Nu katanya, Muisis nasas linyabu gina yay gundaud sis buksul. Ay Muisis nu sanya ufatk safuluk menit ay ufatk safuluk yabi. Ay ngay taw Israel tagsis lod buksul nalag Yawi at kamasuloan kata sik afuy gigang sis tungud buksul.

Isayas 27:4

Kdi kauri kafag tanuman wat ubas. Ay dewa katanya, nu e lagan au at madugi fag makmak, ggulad kwan ay girug.

Isayas 30:27

Dungugani fagayu am! Yawi kadasug siginan tangayayu, kata nu gigang at dotama sis wa buknga anus. Ay at bibig mapnu dotama ay nu garingang kata wa sik tagigang fag afuy.

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Mikas 2:13

Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

Mateu 15:10

Ay Isus nafaful sanya fag ngay taw ay nalong te, “Dungugani ay asafuli ku longan.

Markus 7:14

Ay Isus nadog yay nafaful sa anya ngay taw ay nalong te, “Fagayu am dungugani ay asafuli ku longan.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Efesu 5:17

Dangay am yud e fagsafulun, nu bunway atogdungugi tua te, setain tam Fun at fakaylatun.

Deuterunumyu 1:30

Ay Dius Yawi at namangguna ay at namawayan laman sa ayu, kata ay nalag at nafakamulun sis talun Igiptu.

Deuterunumyu 20:1

Nu glao am laman namawayan, ay dewa am nalag te, ay ngay fawayan ay at ngay kabayu ay anggan at ngay faguyudan ayu yap tua ayu, lag am kalimu anya fagayu, aroro ay Dius Yawi at nafaduksun ayu siginans talun Igiptu gufud tua ayu.

Deuterunumyu 20:4

Aroro ay Dius Yawi gufud tua ayu, ay kanya namawayan ay ngay fawayan laman sa ayu, ay namababo ayu sa ay ngay fawayan.”

Deuterunumyu 4:24

Ay wa kaylat nung wayam e tibak fagsegan. Aroro Yawi nu gfaurianan kata sik afuy nu gfamin.

Deuterunumyu 7:16

Masine nu gfabul am fagayu taw Yawi at nafon ayu. Lag am kafanyu ya anya fagayu, ay lag am namauseganan sat ngay fagsegan, aroro kanya fagayu sik famaylatan way sa ayu.

Deuterunumyu 7:22

Ay Yawi gfaurianan ban si ay daga salubangan fagayu talun at ngay taw. Lag am vtv gaiyan anya fagayu, aroro nung way ban am nafakamulun takatanya, kayu ban tagsis talun fag ngay mangilafang.

Deuterunumyu 9:6

Nu katanya, amatangani te, ay Dius Yawi at fagnafonun ayu tuy fag daga at masine, bunwa te, matuyan am. At mafanud, kamaogatun wayam ay amatanganan.

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

Ebreu 12:29

Aroro tam Dius kata sik afuy at mafafamin nusnge wain.

Uswe 11:12

Kata Yawi at fagsuguan Muisis at longan, Uswe narasras fagayu furuan ayu daul. Ay nafabul fagayu tagbanwan sanya, anggan yangay at ngay fun.

Uswe 11:8

Ay Yawi nafababo ngay taw Israel sat ngay fawayan. Ay kanya fagayu nafafalo at ngay fawayan nu dyakmay andasug sa tagbia fag furuan Sidun ay Misrefut-Maim sitsigons datag Mispa at fakamenitan baliwa. Kanya fagayu nafabul at ngay fawayan yakmay namin.

Uswe 14:12

Katsi foni wan sa angku, Yawi at nafatuyanan ebi sa angku fag talun ke ngay buksul. Ay nasaful o te, ngay taw Anak gbanwan sanya sit ngay furuan ayu daul at mogat at ke ngay alad. Dewa katanya, siginan Yawi at fanggubukun, mafaiyan au kanya fag ngay taw siginan at talun kata at fatuyanan sa angku.”

Uswe 3:11

Tuyani fia te, Fagsuadan Nasadian sas fagdaul daga at Fun, gguna tua gugat ayu kaduge am gdife Liskung Urdan.

Uswe 3:14

Ginanya fanggutluan, ay liskung glugwak. Ngay taw nalao siginan at fagmafulan ay nadife liskung. Ngay tagfon fanggalangun tagbuba Fagsuadan Nasadian gguna anya fagayu. Gina ngay tagfon fanggalangun at ngay darafa nasiad liskung,

Tagfangguna 4:14

Ay Debura nalong sas Barak te, “Katsi wa fag menit Yawi nu namababo emu sas Sisera. Ay kanya yangay ro taggubuk emu.” Nu katanya, Barak natagbung siginans Buksul Tabur gadgaloan at ngay tagfawayan fag safuluk libu.