Deuterunumyu 7:2 - Fanawbuid tagsibaliwas Fakayabian

² Ay Dius Yawi ban nu nafon sa ayu kanya fag ngay taw, ay nu nababo ban am, fabuli ban anya fagayu laman sik fanggalangun sas Dius. Lag ban am kawat sik nasadian ay lag am kafanyu ya anya fagayu.

Deuterunumyu 7:2 ပူးပေါင်းရင်းမြစ်များ

Fakasigadan 14:20

Segi Tiba Tungud fag Dius, at nafababo emu sa am ngay fawayan.” Ay Abram nafon sas Melkisedek at fasafuluk afud at nabul siginan at ngay fawayan.

2 Samwel 21:2

Nu katanya, fun Dabid nafakamatoan ngay taw Gibyun. (Ngay taw Gibyun bunwa Israel at kasugfunanan nu bunway ngay taw Amur at sawad. Ay ngay taw Israel anke fatuyanan sa sangay taw Gibyun te, wa gfabul anya fagayu. Dewa katanya, Saul nafaskud gfabul anya fagayu, aroro kanya maksvn nu kesug ngay taw Israel ay ngay taw Uda.)

1 Fun 20:34

Ay Ben-Adad glong te, “Gfafoli kwa sa emu ku mama at nafangago fag ngay furuan siginan am mama. Ay masine wo nangawat ngay bale am fagfalaoan ngay famaloun sas Damasku, kata ku mama at nafakamulun sis Samarya.” Ay Akab gbalus te, “Siginan takatatuy fag nasadian, namalfas au emu.” Ay nawat sa anya sik nasadian ay nafalfas anya.

Esra 10:3

Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali.

Alubad. 106:34

Ngay taw Israel wa nafabul ngay taw Kanaan, kata Yawi at suguan.

Nu Galin 22:20

“Fabuli wan nusnga sinu tagfon fanggalangun sa tibak fagsegan nu dway sa angku.

Tap 21:2

Sanya ginan, ngay taw Israel nafatuyanan sas Yawi te, “Nu gfon o kanya fag ngay taw sa em daluap, nangiklas ami at ngay furuan laman sik fanggalangun sa emu.”

Tap 31:17

Nu katanya, fabuli wan ngay munama fagayu. Ay fabuli yangay fagayu mangena at nafataladan.

Tap 33:52

aiyani ngay tagbanwan sanya ay rufai at ngay fagsegan at mawatan gang ay sanbung, ay rufai yangay fagayu at bale fagnansegan si tangabat fag ngay buknga.

Deuterunumyu 13:8

lag o kaylat ay gdungugan anya, ay lag o kafanyu ay nangasadi sa anya.

Deuterunumyu 13:9

Abat ngate fabuli wan anya, o wan taguna gfana, ay fadogan ngay taw, laman kanya kabul wan.

Deuterunumyu 19:13

Lag am kafanyu ya takatanya fag taw ay aiyani wan siginans Israel ngay taw tagfabul at yud e asalanan fag taw, laman manabayan nu gbanwan am.

Deuterunumyu 2:33

Yawi tam Dius nafababo antam ay nafabul tam anya, anggan at ngay sisian ay at ngay tagfawayan.

Deuterunumyu 2:34

Ay ginanya, nagbilug tam fagayu at furuan ay nafabul tam anya fagayu: ngay mangama, ngay mangena, ay anggan at ngay sisian. Watam e nafasawad tagleleg.

Deuterunumyu 23:14

Aroro Yawi gligungan ay fagmafulan fag ngay bale laman gfalangfe ay gfababo ayu sa ay ngay fawayan. Nu katanya, famasinei tua ay fagmafulan laman ban Yawi di gfabayan ayu.

Deuterunumyu 25:12

gatvngi wan kanya fag mangena at take, ay lag kafanyu ya.

Deuterunumyu 3:3

Nu katanya, Yawi nafababawan sa antam Ug, Basan at fun ay fagayu at ngay taw. Nafabul tam anya fagayu ay wa tam e nafasawad.

Deuterunumyu 31:5

Yawi ban gfababawan sa ayu kanya fagayu, nu katanya, namakamulun ban am fia kata ku suguan ayu.

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.

Deuterunumyu 7:16

Masine nu gfabul am fagayu taw Yawi at nafon ayu. Lag am kafanyu ya anya fagayu, ay lag am namauseganan sat ngay fagsegan, aroro kanya fagayu sik famaylatan way sa ayu.

Deuterunumyu 9:3

Dewa katanya, katsi lumag am ay Dius Yawi nu gfangguna ayu ay namamin fagayu ay ngay fawayan kata afuy nu gfamin. Kanya ban namabo anya fagayu laman masakit nu gaiyan am ay gfamin kata Yawi at fatuyanan sa ayu.

Uswe 10:28

Ginanya fag menit, Uswe nagbilug furuan Makeda ay nafabul fagayu taw sanya, anggan at fun, ay we nafasawad. Uswe nafakamulun sas Makeda at fun kata at nafakamulun sas Eriku at fun.

Uswe 10:30

Yawi nafababawan yangay kanya fag furuan ay at fun sa sangay taw Israel. Ay ngay taw Israel nafabul fagayu tagbanwan sanya ay we nafasawad. Uswe nafakamulun sas Libna at fun kata at nafakamulun sas Eriku at fun.

Uswe 10:32

Yawi nafababawan Lakis sa sangay taw Israel sis faduak menit nu gfawayan. Kanya fagayu nafabul fagayu tagbanwan sis Lakis kata at nafakamulun sis Libna.

Uswe 10:40

Uswe nagbilug sanya fag talun, ngay buksul, ay datag Negeb tagalagnasun, ay ngay buksul sas fakayabian baliwa ay ngay fun buksul, anggan tagsanya fag ngay furuan at ngay fun. Uswe nafabul fagayu tagbanwan sanya, ay we nafasawad. Kanya fagayu nafakamulun takatanya kata Yawi, Israel at Dius at suguan.

Uswe 10:42

Sayginan way Uswe nu namawayan, ay nagbilug wan fagayu sanya fag talun ay anggan at ngay fun, aroro Yawi, Israel at Dius, ggubuk at taw Israel nu gfawayan.

Uswe 11:8

Ay Yawi nafababo ngay taw Israel sat ngay fawayan. Ay kanya fagayu nafafalo at ngay fawayan nu dyakmay andasug sa tagbia fag furuan Sidun ay Misrefut-Maim sitsigons datag Mispa at fakamenitan baliwa. Kanya fagayu nafabul at ngay fawayan yakmay namin.

Uswe 2:14

Duama nalong sas Rakab te, “Gfon ami em leleg laman sa emu! Nu ddi ban o nalong em tungulan, malukme ban mi sa emu gina ban Yawi gfon emi tuy fag talun.”

Uswe 21:44

Yawi nafae fagmanabayanun sanya fag ngay taw kata at fatuyanan sat ngay mangaguyang. Kanya fagayu wa gababawan at ngay fawayan aroro Yawi gfababo tua.

Uswe 8:24

Ngay taw Israel nu nafabul wan fagayu taw Ai at nafafalo sa sangay tanuman ay sis talun at yud e taw, kanya fagayu anfoli sas furuan Ai ay nafabul yangay fagayu at kinsawad sanya.

Uswe 9:24

Kanya fag ngay taw gbalus Uswe te, “Nafakamulun ami takatanya aroro kalimu ami te, mafabul am emi. Aroro nasaful ami te, Yawi nasugu at fagsuguan Muisis, laman gfon sa ayu tuy fag talun ay gfabul fagayu tagbanwan ste.

Uswe 9:7

Dewa katanya, ngay taw Israel gbalus te, “Tibaginan tagste wayam munakbang si emi. Nu katanya, wami mawat sik nasadian sa ayu.”

Tagfangguna 1:24

Ay at nasugu fag ngay taginsaful nalag sik mangama nu gduksun siginans furuan daul. Ay nalong sa anya te, “Gubuki emi laman masakbo ami sas furuan daul ay wa ro mi kasalag emu.”

Tagfangguna 1:4

Uda ay at ngay kasugfunanan nu nanamawayan wan, Yawi nafababo anya fagayu sa sangay taw Kanaan ay taw Peres. Ay kanya fagayu nafabul safuluk libuk taw sis furuan Besek. Ay kaduge gfawayan, nafawayan yangay fun Aduni-Besek ay anggan at ngay tagfawayan. Ay nu gababawan wan, Aduni-Besek nalagyu, dewa katanya, ngay taw Israel nanamafalo ay nagamat anya ay nalifung at ngay sumyu tama daluap ay darafa.

Tagfangguna 2:2

Nalong kyangay sa ayu te, ‘Lag am nangawat ay nasadian sa sangay tagbanwan sanya fag daga, abat ngate, rufai wan at ngay fagirugan.’ Dewa katanya, nataw ay nafakamulun? Wam nafaning ku longan!