Deuterunumyu 7:1 - Fanawbuid tagsibaliwas Fakayabian

¹ Ay Dius Yawi nu nataban ban ayu sa ay fagnamanwanan, ay fagnangagbilugun fag daga, kanya ban nangaiyan si ay daga salubangan fituk gaban taw ayu yap tua ayu ay tagtungud tua ayu nu mabalyanan: ngay taw Ket, taw Girgas, taw Amur, taw Kanaan, taw Peres, taw Kib ay ngay taw Ebus.

Deuterunumyu 7:1 ပူးပေါင်းရင်းမြစ်များ

1 Fun 16:31

Saman ya nu gfaning Erubuam, Nebat at baguama, at ugali, kanya andadwa ya sas Esebel, Etbaal at baguina. Etbaal talun Sidun at fun. Siginan ginanya, Akab gseg ay gfauseganan Baal.

1 Krunika 1:14

Ay Kanaan yangay at kasugfunanan: ngay taw Ket, taw Ebus, taw Amur, taw Girgas,

2 Krunika 8:7

Ay e sawad yay sanya fag talun at yud taw Israel fag ngay gaban, ngay taw Israel at yud nafabul gina gagbilug Kanaan fag talun. Kanya fag ngay taw sik ngay taw Amur, ngay taw Ket, ngay taw Peres, ngay taw Kib ay ngay taw Ebus. Sulumun nafagsuguan anya fagayu ay nafabulun gfafakamulun, ay kanya fagayu sik ngay fagsuguan dasug katsi.

Esra 9:1

Ay Esra nalong yangay te, “Takatanya fagayu nu nfasludan wan, ngay taw Udyu at ngay tagfangguna nanangakbang sa angku ay nalong te, ‘Ngayuk taw Israel ay anggan ngay taw Lebi ay ngay tagfon fanggalangun, tagugali kata sit ngay ligung fag ngay taw at ugali. Kanya fagayu gfakamulun at yud masine kata ngay taw Kanaan, taw Ket, taw Peres, taw Ebus, taw Amun, taw Muab, taw Igiptu, ay taw Amur at ngay fakamulun.

Nemyas 13:23

Ay ginanya yangay fag ngay buknga, nalag au mangaro te, e ngay taw Uda at nafamubay siginans Asdud, Amun ay Muab fag ngay gaban taw.

Alubad. 78:55

Kanya naiyan ngay taw tagbanwan sanya, ay nafud kafag daga sa sangay taw Israel at ngay gaban, laman at fagagbilugun ay at fagbanwanan.

Nu Galin 15:7

Siginan am fagmabalyananun, nababo o fagayu tagfawayan emu. Nafalag o sa anya fagayu am dotama ay nafamin o anya fagayu kata sik nagruyusan fare at kinkirug.

Nu Galin 23:28

Namadasug au sa ayu ngay malege laman nanfangguna ayu, ay kanya fagayu nangaiyan ngay taw Kib, ngay taw Kanaan, ay ngay taw Ket.

Nu Galin 23:32

Lag am kawat sa anya ay nasadian, ay anggan sat ngay fagsegan.

Nu Galin 23:33

Lag ban am namabanwan anya fagayu si ay daga, aroro kanya fagayu mafoyung ayu sa nu gasalanan am sa angku. Ay nu naseg way ban am at ngay fagsegan, kanya ban umsik sangdaw sa ayu.”

Nu Galin 33:2

Ay nansugu au ku tagbarita at namangguna ayu, ay nangaiyan au ngay taw Kanaan, ngay taw Amur, ngay taw Ket, ay ngay taw Peres, ay ngay taw Kib, ay anggan ngay taw Ebus.

Nu Galin 6:8

Ay namadasug kban ayu sas talun Kanaan, sa ku nafatuyanan sa ay mangaguyang Abrayam, Isak, ay Akub. Gfon kban ayu talun Kanaan laman ay fagbanwanan. Au Yawi.’ ”

Lebitiku 14:34

sabaliwa at fakamulun gina ban Yawi nafae amling sa sangay taw Israel at bale, gina ban kanya fagayu sis talun Kanaan, Yawi at nafon sa anya fagayu fag talun laman at fagagbilugun.

Tap 13:29

Ngay taw Amalek gbanwan sis Negeb, ay ngay taw Ket, taw Ebus ay taw Amur gbanwan sa sangay buksul, ay ngay taw Kanaan gbanwan munakbang sis tigyangan dagat ay sis day Liskung Urdan.”

Tap 14:31

Ay sabaliwa ay ngay sisian ay nalong te, gatabanan ban, gtaban kban anya fagayu sa ay fagyudun kaylat fag talun, ay kanya ban fagayu gagbilug wan kanya fag talun.

Fakamulun 13:19

Ay Dius nafabul sis Kanaan fituk talun at ngay taw. Ay kafag fituk talun, nafagbilug sa tam ngay mangaguyang.

Deuterunumyu 11:29

Gina ban ay Dius Yawi nafadasug ayu sa ay fagnangagbilugun fag daga, namoyung ban am sas Buksul Gerisim ngay famonun, ay sas buksul Ebal ngay faurianan.

Deuterunumyu 20:1

Nu glao am laman namawayan, ay dewa am nalag te, ay ngay fawayan ay at ngay kabayu ay anggan at ngay faguyudan ayu yap tua ayu, lag am kalimu anya fagayu, aroro ay Dius Yawi at nafaduksun ayu siginans talun Igiptu gufud tua ayu.

Deuterunumyu 20:16

Dewa katanya, fabuli wan fagayu taw tagsi ay Dius Yawi at nafon ayu fag ngay furuan laman ay fagnangagbilugun.

Deuterunumyu 31:20

Gtaban kban anya fagayu sat masine ay maramraman fag talun, ku nafatuyan sat ngay mangaguyang. Ay kanya ban fagayu gbanwan sanya manabayan, ay kon ban nusnga setaw fag fakonun at naylatan, ay kapsug tua. Dewa katanya, kanya ban fagayu gtalyuyan angku ay nanseg tibak fagsegan, ay wa ban gfaning ku nasadian.

Deuterunumyu 31:3

At nanfangguna ban ayu gina am nandife, ay Dius Yawi wan. Kanya ban nanrasras sanya fag ngay talun ay nangagbilug ban am at ngay fagbanwanan. Uswe ban at nanfangguna ayu gina am nandife, kata Yawi at longan.

Deuterunumyu 4:38

Kanya naiyan at mabalyanan fag ngay talun at ngay taw, ay nafabanwan ayu sanya fag ngay talun. Kanya nafon sa ayu kanya fag daga laman ay fagagbilugun, kata at nafakamulun katsi.

Deuterunumyu 6:1

Takatanya ay Dius Yawi at nalong sa angku fag ngay suguan, ngay foyungan, ay faugali ku fagnamoyungun sa ayu. Namaning ban am tuy sa ay fagnangagbilugun fag daga sas dife Liskung Urdan,

Deuterunumyu 6:10

Ay ay Dius Yawi tumaban ayu sa kafag talun at nafatuyanan sa ay ngay mangaguyang Abrayam, Isak, ay Akub. Kanya fag daga gbia, ay e ngay furuan ayu daul maramraman, ay bunwa am ya at nawat.

Deuterunumyu 6:19

Kanya ban nangaiyan si ay daga salubangan ay ngay fawayan kata at longan.

Deuterunumyu 6:23

Ay kanya nafalao emi siginans talun Igiptu laman nantaban stie fag talun at nafatuyanan sa tam ngay mangaguyang.

Deuterunumyu 9:1

Ngay taw Israel, dungugani. Katsi ro nandife am Liskung Urdan laman nangagbilug ngay talun at ngay taw tagtungud tua nu ngayu ay nu mabalyanan. Gbia at ngay furuan ay e ngay alad gang kata nu gdasug sas banwa.

Deuterunumyu 9:3

Dewa katanya, katsi lumag am ay Dius Yawi nu gfangguna ayu ay namamin fagayu ay ngay fawayan kata afuy nu gfamin. Kanya ban namabo anya fagayu laman masakit nu gaiyan am ay gfamin kata Yawi at fatuyanan sa ayu.

Deuterunumyu 9:4

Ay Dius Yawi ban nu naiyan wan anya fagayu siginan ay daga salubangan, lag ban am glong sa ay ngay sadili te, “Yawi nataban antam stae fag talun laman nangagbilug tam aroro matuyan tam.” Duan, Yawi at fagnaiyanun kanya fag ngay talun at ngay taw aroro mauri.

Uswe 11:3

sas Kanaan at ngay fun sas fakamenitan baliwa tagsis Liskung Urdan at fakayabian, sa sangay taw Amur at fun, taw Ket at fun, taw Peres at fun, ay sa sangay taw Ebus at fun tagbanwan sat buid, ay sa sangay taw Kib at fun tagbanwan sis day Buksul Ermun tagsis datag Mispa.

Uswe 24:11

“Sanya ginan, nadife am Liskung Urdan ay andasug sas talun Eriku. Ngay taw Eriku ay ngay taw Amur, taw Peres, taw Kanaan, taw Ket, taw Girgas, taw Kib, ay taw Ebus, nanamawayan ayu ay nafababo au ayu.

Uswe 3:10

Katsi, sumaful am te, si wa ayu tagleleg fag Dius, aroro kaduge am gfawayan ay ngay fawayan, tam Dius gfayayu siginan ayu ngay taw Kanaan, taw Ket, taw Kib, taw Peres, taw Girgas, taw Amur ay ngay taw Ebus.