Deuterunumyu 5:9 - Fanawbuid tagsibaliwas Fakayabian

⁹ Lag am gfaning ay gseg takatanya fagayu, aroro au, ay Dius Yawi, kwa kaylat nu e fagsegan am tiba. Gfaurianan au fagayu at nasalanan sa angku, anggan ay ngay sisian sitsigons fatulu ay sfaufatk talad kasugfunanan takauri angku.

Deuterunumyu 5:9 ပူးပေါင်းရင်းမြစ်များ

2 Fun 17:35

Yawi nawat at nasadian sa sangay taw Israel, ay nasugu te, “Lag am nanseg tibak fagsegan, ay lag am nantudan laman namaning anya, ay lag am namon fanggalangun.

Nu Galin 34:14

Lag am gseg tibak fagsegan, aroro au Yawi, kwa kaylat nu e fagsegan am tiba.

Nu Galin 34:7

Gfalag au ku fakesugun sas ngayuk taw, ay gfalyam au at ngay fagmauriun, at fagyudun gfaning ay at ngay asalanan, dewa katanya, gfaurianan kban ke ngay asalanan anggan at ngay sisian ay at ngay fufu anggan sas fatulu ay faufatk kasugfunanan.”

Eremyas 32:18

Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Tap 14:18

mafangesug o ay di o gfangadotama ay gfalyam tuo ngay taw at asalanan. Dewa katanya, gfaurianan o ngay tagasalanan, sitsigons fatulu ay faufatk kasugfunanan.

Deuterunumyu 4:16

laman diam gfauri ay sadili siginan nu kawat am ngay fagsegan sas nusnge wain fag kawalungan takata mangama ay mangena,

Deuterunumyu 4:24

Ay wa kaylat nung wayam e tibak fagsegan. Aroro Yawi nu gfaurianan kata sik afuy nu gfamin.

Deuterunumyu 6:15

aroro ay Dius Yawi wa kaylat nu e tiba am fagsegan. Nung way ban am naseg tibak fagsegan, Yawi ban kadotama ay gfamin ayu siginans fagdaul daga.

Deuterunumyu 7:10

Dewa katanya, kanya ban gfaurianan ay gfaidapan fagayu takauri anya.