Deuterunumyu 13:3 - Fanawbuid tagsibaliwas Fakayabian

³ lag am gafanud anya, aroro takatanya ay Dius Yawi gfaskud way ayu te, o kesug tuam anya sas fagdaul ay amatanganan ay sas fagdaul ay basad taw.

Deuterunumyu 13:3 ပူးပေါင်းရင်းမြစ်များ

1 Fun 13:19

Nu katanya, Dius at fagsuguan nanangalo, ay nafasfuan anya gfangon ay nainum sit bale.

Alubad. 119:2

Mauseganan yangay sik taw tagalo tua Dius at ngay foyungan, ay tagugatan tua grvbvy Dius at fakaylatun.

Alubad. 66:10

Dius, nainsaful o emi, kata nu gfasine salapi sas afuy.

Alubad. 81:7

Gina am gidapan, nadarangin am sa angku, ay nafalangfe au ayu. Siginan sad madulum fag linyabu, nabalus au ayu, ay nafaskud au ay fagafanudun gina am sis bulbug Meriba.

Nu Galin 20:20

Nu katanya, Muisis nalong sa sangay taw te, “Lag am kalimu aroro Yawi nastie laman kanya namalag sa ayu at fagmabalyananun laman kalimu tuam anya ay diam gasalanan.”

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

1 Kurintu 11:19

Nasaful au te, matuyan wam gdiuganan laman umsaful te, sinu am at ke fagafanudun.

2 Kurintu. 8:8

Dewa au nalong takatanya, kwa gsugu ayu. Nalong kway sa ayu tibak taw nu ggubuk, laman gfalag am sa emi te, nu kesug am matuyan tua.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Deuterunumyu 6:5

Esugi ay Dius Yawi sas fagdaul ay amatanganan ay sas fagdaul ay fakaylatun ay sas fagdaul ay fagmabitsugun.

Deuterunumyu 8:16

Sis talun at yud e taw kanya nafon tua ayu mana ay mangaguyang at fagyudun toglag. Dius nafakamulun takatanya laman kamababaun tuam ay namaskud ayu laman ban mabayan tua nu gbanwan am.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

2 Tesalunika 2:11

Ay nu katanya, Dius gfabayan kafag ngay taw nu gadayan laman gafanud sa kafag taw at fakamuaganun,

1 Uan 2:19

Ebi, kafag ngay tagfawayan tam Fun Isus magamut tua antam, ay katsi naubun wan antam. Kanya fagayu bunwa fia tam ibama, aroro nu tam ibama di, masadi tua ro tam nangus gugat. Ay kanya naubun way antam, sik famasaful te, kanya fagayu bunwa tam ibama.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

1 Uan 4:4

Ku ngay sisian, am wan Dius at ngay taw, ay nababo wam takamuagan fag ngay taglong, aroro at Masine fag Falad tua tagsi ayu. Kanya amabalyanan yap tua tagsis fagdaul daga at taw fag falad.

At Nafasure 13:14

Ay e nafon sa anya fagmabalyananun gfakamulun at ngay madulo. Ay siginan at ngay madulo kanya nafandaya ngay taw sas fagdaul daga. Kanya nasugu sa sangay taw te, “Awati sik takata tagfangagat fag mela at nabasingan fiso ay at kinfia yay.”

Tagfangguna 2:22

Ay nangagbilug kban kafag ngay talun at ngay taw laman at fanginsaful sa sangay taw Israel te, o gfaning tua ku ngay suguan kata at ngay mangaguyang.”

1 Samwel 26:19

Mesug fag fun dungugani angku. Nu Yawi tua at nasugu emu laman gfabul angku, kanya nangus kaylat tua ku fanggalangun laman famalyam ku asalanan. Dewa katanya, nu taw way at nasugu emu, Yawi ban nangus gfaurianan anya fagayu. Aroro kanya fag ngay taw naiyan angku siginan ku fagbanwanan, ay nasugu ya sa angku te, ‘Segi tibak fagsegan.’