Deuterunumyu 11:9 - Fanawbuid tagsibaliwas Fakayabian

⁹ Nu gfaning tua ban am gugat anya, ngaduge tua ban nu gleleg am sit masine ay at maramraman fag talun, Yawi at nafatuyanan sa ay ngay mangaguyang ay sat ngay kasugfunanan.

Deuterunumyu 11:9 ပူးပေါင်းရင်းမြစ်များ

Nu Galin 3:8

Nu katanya, nastie au sdaga laman namalangfe anya fagayu siginans talun Igiptu, ay nantaban au sat masine ay tagbia ay at maramraman fag talun; sa sangay taw Kanaan, taw Ket, taw Amur, taw Peres, taw Kib, ay taw Ebus at ngay fagbanwanan.

Deuterunumyu 4:40

Faningi at ngay suguan ay at faugali ku nafon ayu katsi laman ban di e kadasug sa ayu ay sa ay ngay kasugfunanan at mauri, laman ban ngaduge tua nu gbanwan am si ay Dius Yawi at nafon ayu fag daga.

Deuterunumyu 6:2

laman ban am ay ay ngay sisian ay anggan ay ngay fufu gsuyu tua Yawi kaduge am gleleg. Nu gfaning tua ban am tuy fag ngay suguan ay fagayu fagaloan ku nafon ayu, ngaduge tua ban nu gleleg am.

Esekyel 20:6

Ginanya, nafatuyanan au sa anya fagayu te, namalfas kwan anya fagayu siginans talun Igiptu ay nantaban kban sa ku nafili fag talun, sat masine ay at maramraman fag talun, tagtungud tua sas fagayu talun nu masine.

Deuterunumyu 9:5

Gagbilug ban am at ngay daga bunwa te, matuyan am, nu bunway, kanya fagayu mauri, ay umfasludan ay Dius Yawi at fatuyanan sa ay ngay mangaguyang Abrayam, Isak, ay Akub.

Deuterunumyu 5:16

Suyui ay mama ay ay mina kata ku suguan ayu laman mabanwan am ngaduge ay manabayan si ku fon ban ayu fag daga.

Fangatulun 10:27

Sik taw tagsuyu Yawi, ngaduge tua nu gleleg, dewa katanya, at mauri fag taw wa ngaduge nu gleleg.

Fangatulun 9:11

Siginans fagsafulun, ngaduge tua nu gleleg o.

Fangatulun 3:16

Nu katanya, kanya gfaba tua am leleg, ay gfae ramraman emu, ay gfae fagusegananun emu.

Fangatulun 3:2

Nu katanya, ngaba tua ban am leleg ay di ban o e fagayudanun ya.

Deuterunumyu 6:18

Fakamuluni at matuyan ay at masine sis Yawi at daga salubangan. Laman umsine ay kayaunanan ay magbilug am at masine fag daga at nafatuyanan sa ay ngay mangaguyang.

Nu Galin 20:12

Suyui ay mama ay ay mina laman mabanwan am ngaduge si ku fon ban ayu fag daga.

Deuterunumyu 5:33

Mabanwani kata ay Dius Yawi at suguan ayu laman ban ngaduge tua nu gbanwan am ay e fagekwaun sa ay fagnangagbilugun ban fag daga.

Deuterunumyu 8:7

Aroro Yawi namabanwan ayu sat masine fag talun, at ke ngay liskung ay ke ngay bulbug tagfamilugan sa sangay datag ay anggan si sangay buksul.

Deuterunumyu 11:10

Ay fagnangagbilugun ay ay fagnamanwanan ban fag talun di kata ebi ay fagbanwanan sis talun Igiptu. Aroro gina am sis talun Igiptu nung am nantanum gidapan yayam gugat namarugme.

Deuterunumyu 1:8

Gfon kban sa ayu kanya fag ngay talun. Loi wan ay nangagbilug am kanya fag ngay talun, ku nafatuyanan sa ay ngay mangaguyang Abrayam, Isak, ay Akub ay sas fagayu at kasugfunanan.”

Deuterunumyu 6:3

Ngay taw Israel, dungugani ay faningi at ngay suguan laman ban manabayan tuam ay umsine ay ngay famanwanun ay laman ban umkayu am sit masine ay at maramraman fag talun, kata ay Dius Yawi at fatuyanan say ngay mangaguyang.

Deuterunumyu 11:21

laman ban ngaduge tua nu gleleg am anggan ay ngay sisian sis Yawi at nafatuyanan sa ay ngay mangaguyang fag daga. Namanwan ban am sanya kabavn.