Deuterunumyu 1:7 - Fanawbuid tagsibaliwas Fakayabian

⁷ Nu katanya, loi wan sa sangay taw Amur at talun ke ngay buksul, ay sat ligung fag ngay afud talun; sas datag Urdan, sasad araw, sa sangay buksul tagsabaliwas fakayabian, sas Negeb, ay sa sangay furuan tagsis tigyangan dagat. Loi wan sas Kanaan ay sas Lebanun fag talun, sitsigons liskung daul Eufrates.

Deuterunumyu 1:7 ပူးပေါင်းရင်းမြစ်များ

Deuterunumyu 11:24

Fagayu ban ay nasiad fag daga am wan tagagbilug: siginan at yud e taw fag talun sitsigons Lebanun ay siginans Liskung Eufrates sitsigons Dagat Mediteranyu.

Uswe 10:40

Uswe nagbilug sanya fag talun, ngay buksul, ay datag Negeb tagalagnasun, ay ngay buksul sas fakayabian baliwa ay ngay fun buksul, anggan tagsanya fag ngay furuan at ngay fun. Uswe nafabul fagayu tagbanwan sanya, ay we nafasawad. Kanya fagayu nafakamulun takatanya kata Yawi, Israel at Dius at suguan.

Amus 2:9

Dewa katanya, aroro kesug au ngay taw Israel, nafabul kwan takamabatun fag ngay taw Amur takabat sik fun daligan ay kamaogat sik malyvm. Nafabul kwan anya fagayu, ay kwe nafasawad nusdi sadi.

1 Krunika 18:3

Ay Dabid nafawayan yangay Adadeser, talun Suba at fun sitsigons furuan Kamat. Ginanya, fun Adadeser glao laman nangagbilug nusnge wain at munakbang sis Liskung Eufrates.

1 Krunika 5:9

Ay aroro ankayu at ngay fagbaugun gina sis Gilyad, kanya fagayu nu gbanwan andugdug sas fakamenitan baliwa munakbang sis talun at yud e taw sabaliwas Liskung Eufrates.

2 Samwel 8:3

Ay Dabid nafawayan yangay Adadeser, talun Suba at fun, Rekub at baguama. Ginanya, fun Adadeser glao laman nangagbilug nusnge wain at munakbang sis Liskung Eufrates.

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”

Uswe 1:4

Ay fagbanwanan ban gfasigad siginans talun at yud e taw tagsabaliwas siun fag alvngvdan sitsigon sangay buksul Lebanun tagsabaliwas wala, ay siginans Eufrates, kafag liskung daul, sabaliwas fakamenitan sitsigons Dagat Mediteranyu tagsas fakayabian baliwa, ay anggan sa sangay taw Ket at talun.

Deuterunumyu 11:11

Dewa katanya, ay fagnangagbilugun ban fag daga e ngay buksul ay e ngay datag tagarakan tua gugat.

Nu Galin 23:31

“Namalganan au ay daga gfasigad siginans Dagat Maraska sitsigons Dagat Mediteranyu, ay siginans talun at yud e taw sas alvngvdan sitsigons Liskung Eufrates. Namababawan kban sa ayu at ngay kinsawad tagbanwan sanya fag daga, ay nangaiyan am anya fagayu.

At Nafasure 9:14

Ay glong sas faunumk tagbarita at ke budyung te, “Falfasi at masiukan fag ufatk tagbarita sis tigyangan liskung daul Eufrates.”

Fakasigadan 12:9

Wa ngaduge kanya fagayu nadog yay nalin, ay nafataglayun nu glao sas talun Negeb.

Deuterunumyu 1:19

Kata Yawi tam Dius at suguan antam, nalao tam siginans Buksul Sinay, ay nalao tam sa ay nalag fag talun tagbia ay at malimu at yud e taw, ay nataglayun tam sa sangay taw Amur at talun at ke ngay buksul. Ay gina tam andasug sas Kades-Barnea,

Tap 10:12

Sanya ginan, ngay taw Israel nalo siginan sik talun at yud e taw tagsis Sinay, kanya fagayu nafataglayun nu glao ay linyabu anragang si sik talun yud e taw sis Paran.

Uswe 9:1

Fagayu fun tagsis Urdan at fakayabian nadungug ngay taw Israel at nafakamulun gina kanya fagayu nafawayan. (Ngay taw Ket at fun, taw Amur at fun, taw Kanaan at fun, taw Peres at fun, taw Kib at fun, ay ngay taw Ebus at fun.) Kanya fagayu gbanwan sa sangay buksul ay balagyang sas fakayabian baliwa ay sas tigyangan Dagat Mediteranyu sitsigons Lebanun.

1 Krunika 27:29

Ay Sitray tagsiginans furuan Sarun tagulit ngay fagbaugun tagfangonan sis talun datag Sarun. Ay Safat, Adlay at baguama, tagalaga ngay baka sis buksul.