Daniel 9:8 - Fanawbuid tagsibaliwas Fakayabian

⁸ Yawi, maksvn nu kapla ami, anggan em ngay fun, em ngay tagfangguna, ay em ngay mangaguyang aroro anke asalanan ami sa emu.

Daniel 9:8 ပူးပေါင်းရင်းမြစ်များ

2 Fun 21:15

Umfasludan takatanya sa anya fagayu aroro nafakamulun at mauri sa ku daga salubangan, ay kanya fagayu nafadotama angku, siginan nu gfaduksun au at ngay mangaguyang siginans talun Igiptu dasug katsi.”

2 Krunika 6:37

ay kanya ban fagayu nu nafabali tua at amatanganan, ay nu naubun tua at asalanan ay nafainfanyuan glong sa emu te, ‘Anke asalanan ami ay nafakamulun ami at mauri,’

Nemyas 1:6

Kayu menit ay yabi gdarangin au, laman sa am fagsuguan fag ngay taw Israel. Dungugi ay balusi ku darangin. Ay gfoyung au sa emu em ngay asalanan, anggan ku mangaguyang at ngay asalanan.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 3:42

“Yawi, anke asalanan ami ay nafamabo emu, ay wo nafalyam ya em asalanan.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Esekyel 5:6

Kanya fag furuan nafamabo ku ngay suguan ay amauri yap tua tagsit ligung fag ngay talun. Ay kanya fag ngay taw wa nafaning ku ngay suguan ay ku ngay faugali.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.