Daniel 9:7 - Fanawbuid tagsibaliwas Fakayabian

⁷ “Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Daniel 9:7 ပူးပေါင်းရင်းမြစ်များ

Esra 9:13

“Em Dius, nafaurianan o emi, aroro sa em ngay asalanan. Ay am faurianan sa emi kurang yay laman famayad sa em ngay nafakamulun at mauri, dewa katanya, naylat tuo nu kae sawad ami.

Esra 9:15

Yawi, Israel at Dius, matuyan tuo. Aroro naylat tuo nu kae sawad ami dasug katsi. Gtuyan ami te, e ngay asalanan ami, ay wami manangalindug ya sa am fagmasineun, aroro e ngay asalanan ami.”

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Alubad. 119:137

Yawi, matuyan tuo, ay matuyan yangay am ngay faugali.

Alubad. 44:15

Nafaplan o angku at kaksvnan kwa madama ya emu.

Alubad. 51:14

Ku tagfalangfe fag Dius, falyami ku asalanan, aroro nafamabul au. Nu katanya, guro au guseganan, aroro nafalangfe tuo angku.

Alubad. 51:4

Anke asalanan au, kaugat wan sa emu. Nafakamulun au at mauri sam daga salubangan. Matuyan am longan te, e asalanan au, ay matuyan wan gfaurianan o angku.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 45:16

Ngay takawat fagsegan umke fakaplaun.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Esekyel 36:31

Ay gamatang ban am sabaliwa ay ugali ay ay fakamulun at mauri. Nu katanya, kauri ban am ay sadili aroro sa ay ngay asalanan ay sa ay nafakamulun at masuya.

Esekyel 5:10

Nu katanya, at ngay fagtainan ban kon wan at ngay sisian ay at ngay sisian ban kon wan at ngay fagtainan. Namaurianan kban ayu, ay at sawad ban namasaruayan au sas fagdaul daga.

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Daniel 9:14

Nu katanya, nafaurianan o emi, ay nafakamulun takatatuy aroro fagayu am fakamulun matuyan. Dewa katanya, wami nafaning emu.

Daniel 9:18

Em Dius, dungugi angku. Damai, maksvn nu gidapan ami. Wami gdarangin laman gfatoglag ami te, matuyan ami, nu bunway gfasaful ami te, mafangafanyu tuo.

Daniel 9:8

Yawi, maksvn nu kapla ami, anggan em ngay fun, em ngay tagfangguna, ay em ngay mangaguyang aroro anke asalanan ami sa emu.

Amus 9:9

Damai! Sumugu au ay namasaman ayu kata sik mafasirian gasfuan ngay taw sas fagayu talun, kata nu gfasaman ngay rawvg. Ay nu setain ngay gang ayu sirut nu yud katong sa sik fagfasirian,

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 4:27

Yawi ban namasaruayan ayu sa tibak ngay talun ay wa ban am ngayu ya takasawad si sangay talun at ngay taw nu inda Yawi nu gaiyan ayu.