Daniel 9:6 - Fanawbuid tagsibaliwas Fakayabian

⁶ Wami nadungugan am ngay fagsuguan fag ngay taglong am nasugu laman namakamatoan em ngay fun, em ngay tagfangguna, em ngay mangaguyang, ay fagayu taw Israel.

Daniel 9:6 ပူးပေါင်းရင်းမြစ်များ

2 Fun 18:12

Anfasludan takatanya sa sangay taw Israel aroro wa nafaning at Dius Yawi. Kanya fagayu nafamabo at nasadian. Ay wa nafaning Yawi at ngay suguan at nafon sat fagsuguan Muisis. Kanya fagayu wa nadungugan ay wa nafaning kafag ngay suguan.

2 Krunika 33:10

Yawi dewa nafararang sas Manase ay sat ngay taw, kanya fagayu wa nafandungug anya.

Esra 9:7

Gfasigad siginan em ngay mangaguyang dasug katsi, maksvn em ngay asalanan. Ay aroro gasalanan way mi anggan em ngay fun anggan tagfon fanggalangun, nagbilugan ami tibak talun at fun. Kanya fagayu nafabul tiba si emi, ay tiba natabanan, ay tiba nabulan at ramraman ay nafaplan, kata at kinfasludan sa emi katsi.

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Nemyas 9:32

“O wan em Dius at mabalyanan, at matuyan ay at madulo. Gfafasludan tuo am nasadian ay gfasure am fagmafangesugun. Falangfei emi siginan em fagidapun. Ay katsi gagwantan ami at maksvn fag fagidapun, anggan em ngay fun, ngay tagfangguna, ngay tagfon fanggalangun, ngay taglong, ay anggan em ngay mangaguyang, siginan yay Asirya at ngay fun gfaidapan emi dasug katsi.

Nemyas 9:34

Em ngay fun, em ngay tagfangguna, em ngay tagfon fanggalangun, ay em ngay mangaguyang wa nafaning am ngay faugali. Ay wa gamatangan ya sabaliwa am suguan ay sam ngay famararang.

Eremyas 26:5

ay nu dway ban am gafanud ku fagsuguan fag ngay taglong ku fagsuguun gugat sa ayu, at ngay foyungan,

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 44:16

“Wami gafanud am ngay nalong sa emi sas Yawi at ngayan!

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Daniel 9:10

Yawi em Dius, wami nafaning am ngay suguan siginan am fagsuguan fag ngay taglong.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Fakamulun 13:27

Dewa katanya, ngay taw Udyu tagbanwan sis Erusalem ay anggan at ngay tagfangguna wa natoglag te, Isus wan Tagfalangfe. Ay kanya fagayu dewa gtap ngay taglong at foyungan galay Famiangalay fag Menit, wa nyamag. Ay kanya yangay fagayu at nafafasludan kafag ngay foyungan gina nafaurianan Isus sas fakabulun.