Daniel 9:5 - Fanawbuid tagsibaliwas Fakayabian

⁵ “Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Daniel 9:5 ပူးပေါင်းရင်းမြစ်များ

2 Fun 18:12

Anfasludan takatanya sa sangay taw Israel aroro wa nafaning at Dius Yawi. Kanya fagayu nafamabo at nasadian. Ay wa nafaning Yawi at ngay suguan at nafon sat fagsuguan Muisis. Kanya fagayu wa nadungugan ay wa nafaning kafag ngay suguan.

2 Fun 21:15

Umfasludan takatanya sa anya fagayu aroro nafakamulun at mauri sa ku daga salubangan, ay kanya fagayu nafadotama angku, siginan nu gfaduksun au at ngay mangaguyang siginans talun Igiptu dasug katsi.”

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

Alubad. 106:6

Nafakamulun ami at mauri, ay anke asalanan ami sas Dius, kata em ngay mangaguyang.

Alubad. 119:102

Kwa gsaruy am ngay faugali, aroro o tua tagfoyung angku.

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Alubad. 18:21

Gfaning ktua Yawi at fakaylatun, ay kdi natalyuyan anya.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 59:13

Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 44:3

aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:20

Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Takabalu 3:42

“Yawi, anke asalanan ami ay nafamabo emu, ay wo nafalyam ya em asalanan.

Esekyel 5:6

Kanya fag furuan nafamabo ku ngay suguan ay amauri yap tua tagsit ligung fag ngay talun. Ay kanya fag ngay taw wa nafaning ku ngay suguan ay ku ngay faugali.

Esekyel 6:9

ay kanya ban fagayu sik ngay natabanan. Ay gina gbanwan sa tibak talun, sanya yaban nu gamatang angku, ay sanya yangay ban nu gamatangan te, nu se aksvn nu kauri au at nafamaboan angku ay nu gseg at ngay fagsegan. Ay kanya ban fagayu maksvn nu kauri at mesa sadili, aroro at ngay nafakamulun maksvn nu mauri ay nu masuya.

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Daniel 9:15

“Em Fun Dius, nafalag o am fagmabalyananun gina o gfalfas am ngay taw siginans talun Igiptu. Nu katanya, dasug katsi kadungug tuo gugat. Gafanud ami te, nasalan ami ay nafakamulun ami at mauri.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Usea 1:2

Katatuy Yawi at longan taguna sas Usea, “Famubayi sik mangena takamatugtug, ay ay ngay sisian ban kangayan te, sik takamatugtug fag mangena at sisian, aroro ku ngay taw kata sik ngay takamatugtug siginan nu gseg tibak fagsegan.”

Malakyas 3:7

Dewa katanya, kata wayam ay ngay mangaguyang; wam nafaning ku ngay faugali. Ay katsi, afolii wan sa angku laman kafoli kyangay sa ayu. “Dewa katanya, ginto am sa angku te, ‘Setain ya ro nu nangafoli ami sa emu?’

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.