Daniel 9:3 - Fanawbuid tagsibaliwas Fakayabian

³ Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Daniel 9:3 ပူးပေါင်းရင်းမြစ်များ

2 Samwel 12:16

Nu katanya, Dabid wa gfangon laman gdarangin gfainfanyuan sas Dius, sit sadili fagtiugan, ay galay yabi kanya nu gtiug si way lang sad lutuk laman gfalag te, kabalu at ngenge.

Esra 10:6

Ay sanya ginan, Esra nalao sis salubangan Dius at bale ay nasas Eukanan, Elyasib at baguama, at suluk, ay kanya nu ndasug sanya, wa nafangon ay wa nainum aroro kabalu sabaliwa ngay taw Israel at kinfoli siginan at fagatabananan, at fagyudun matuyan.

Esra 8:21

“Gina ami sis tigyangan Liskung Aaba, nalong au sa ku ngay fadgaloan te, ‘Lag tam gfangon laman kamababaun tam sa tam Dius, ay laman get tam sa anya te, “Gina ban mi glao, dirii emi anggan em ngay sisian ay em ngay ramraman.” ’

Esra 9:5

“Ay gina namon fanggalangun tagsis fafun baliwa nafaragang kwan nu gfalag au te, kabalu au. Ay dewa ku lanbung magiratan, namalub au ay nafabat ku take laman gdarangin au sa ku Dius Yawi.

Nemyas 9:1

Gina sis faduak safulu e ufatk menit, ginanya yay fia fag magdanun, ngay taw Israel anful ay wa gfangon laman gdarangin. Ay kanya fagayu nasulun saku, ay nafoli dafug sat ngay mesa alfuyu laman gfalag te, kabalu.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Alubad. 35:13

Dewa katanya, kanya ngap fagayu nu nke fakasaitun, kabalu au. Galanbungan au saku ay kwa gfangon laman gdarangin. Ay nu dway o nabalus ku darangin,

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Esekyel 36:37

Fun Dius Yawi gfataglayun glong te, “Gdog kyay ban gdungugan ngay taw Israel at ngay fagetun, ay katatuy ban ku fagnamakamulunun sa anya fagayu: namayu kban anya fagayu kayu at fanggalangun fag ngay tupa galay fagmafulun sis furuan Erusalem. Nu katanya, ngayu bank taw at namanwan si sangay furuan ayu daul at kinrasras. Ay kanya ban fag ngay taw sumaful te, au Yawi.”

Daniel 6:10

Ay Daniel nu nasaful te, fun Daryu nawat wan kafag faugali, kanya noli sat bale ay nasakbo sa tiba tungud fag salug. Sanya at fagbanawanan gsalubang sas Erusalem. Ay Daniel natudan ay gdarangin sas Dius tulu ginan sik menit, kata at fakamulun gugat.

Daniel 9:20

Gfataglayun au gdarangin ay get famalyam laman sa ku ngay asalanan ay sa ku kaiban fag ngay taw Israel at ngay asalanan. Nafainfanyuan au sas Yawi laman sat yud e malong fag buksul.

Daniel 9:4

Katatuy ku nalong gina au gdarangin sas Yawi ku Dius ay get au famawakalong sa em ngay asalanan: “Em Fun, o sik mabalyanan ay madulo fag Dius. Gfafasludan o am nasadian, ay kesug o takesug emu ay tagfaning am ngay suguan.

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Unas 3:5

Ay sanya fag ngay taw anke fagafanudun tua sas Dius. Nu katanya, fagayu taw at maramraman, ay anggan at yud e fagmakatuun, e buknga nu yud gfangon laman gdarangin, ay nasulun saku laman gfalag te, gubun at ngay asalanan.

Mateu 17:21

[Dewa katanya, mafaiyan am takatanya fag falad at mauri siginan way langs darangin ay nu yud gfangon.]

Lukas 2:37

ay abandi kanya ansik fagbubayun. Ginanya, Ana at banwa waluk safulu e ufat. Ay kanya si gugats Dius at bale, ay gseg Dius kayu menit ay yabi ay wa gfangon laman gdarangin.

Fakamulun 10:30

Ay Kurnelyu nabalus te, “Ebi vtv sis fatuluk menit, kata yangay katsi sfatulu sfafun, gdarangin au si ku bale. Ay sik mangama masulo at lanbung andasug masakit ay namalindug si ku salubangan.