Daniel 9:26 - Fanawbuid tagsibaliwas Fakayabian

²⁶ Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Daniel 9:26 ပူးပေါင်းရင်းမြစ်များ

2 Samwel 21:5

Kanya fagayu nabalus te, “Saul anke algan gfabul emi laman wami e sawad sis talun Israel.

Alubad. 22:15

Ay momuy kwan, kata at kinrufa fag tikung, ay ku leplep ankatat wan ay andafut sa ku basad bibig. Yawi, nafabayan wo angku sis wa lukbu, ay ankata au sik mabulan.

Isayas 28:2

Dungugani fagayu am! Tam Fun Dius e nafalganan sik mabitsug ay sik mabalyanan fag talun at ngay taw at nanrasras ban Samarya. Kanya fag ngay taw kata sik maksvn fag fulug, ay kata sik tagbia fag lugwak.

Isayas 28:22

Ay katsi, faragangi wan nu kamalingun am, laman di kafamut at faurianan sa ayu. Aroro nadungug kwan siginan tam Fun, Yawi at Mabalyanan at suguan te, kanya rumasras wan fagdaul ay talun.

Isayas 53:8

E nagamat anya ay nafaurianan ay nafabul. Ay nusdi sadi wa nafamafanud, kanya anbul yud e kasugfunanan, ay nagwantan nadalan tam fagnandalanun ma fag faurianan.

Isayas 8:7

Nu katanya, namadasug au sa anya fagayu Asirya at fun ay at ngay tagfawayan, takata Liskung Eufrates gina glugwak, ay at mamam nasakfo sas dua tigyangan.

Eremyas 46:7

Sinu kanya fag talun at kinbalyanan, kata Liskung Nilu at mamam nu gsakfo tigyangan?

Eremyas 51:42

Talun Babilunya malubguban sit maksvn fag lugwak.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Daniel 11:17

Ay tagsis fawalan baliwa fag fun maksvn nu kaylat namawayan tagsis fasiunan fag fagfagtainanan sas fagdaul at fagmabitsugun. Taguna, kanya gfon at baguina laman namae bubay sa tagsis fasiunan fag fun, laman nangasadi sa anya. Sa takatatuy fag balyawvtan kanya maiklas tagsis fasiunan baliwa fag fagfagtainanan. Dewa katanya, wa ban kafasludan at algan.

Daniel 11:22

Kanya ban gfabul ngayuk tagfawayan, anggan fun tagfon fanggalangun.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Amus 8:8

Nu katanya, namae fanguig kban say daga, ay fagayu ban am gwayway am. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Amus 9:5

Ay daga guigan, tam Fun, Yawi at Mabalyanan nu nated, ay fagayu tagbanwan sanya gwayway. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Mateu 22:2

“Dius nu gfagtainan kata sik fun nu gfalganan sik ngay fakonun laman sat baguama at fangadadwa.

Mateu 22:7

Ay kafag fun maksvn nu kadotama ay nasugu at ngay tagfawayan laman namabul ngay taw takamabul ay nangirug at furuan.

Mateu 23:38

Dungugani! Wa ban e gbanwan ya si emu.

Mateu 24:2

Ay Isus nalong sat ngay tagadal te, “O glag am in fag ngay afud bale? Matuyan nu glong au ayu te, abandi ban we gang ya gtudtungudan. Fagayu ban umrasras wan.”

Markus 13:2

Ay Isus glong anya te, “O glag o kafag ngay bale ayu daul? Abandi ban we gang ya gtudtungudan. Fagayu ban umrasras wan.”

Markus 13:7

Ay dewa ban am nadungug ngay awayan at munakbang si ayu, ay e dungganan am te, e gawayan ngayayu, lag kalimu. Matuyan, umfasludan ban takatanya, dewa katanya, bunya kanya at fakatabuan fag ngay menit.

Markus 9:12

Ay Isus nalong anya te, “Matuyan Elyas umdasug laman namalganan nusnge wain. Ay wain at faginrirukun sis Dius at Longan te, Taw at Baguama ngayu at fagnandalanun fagidapun, ay tiba bank taw gaiyan anya?

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Lukas 21:6

Ay Isus nalong te, “Abandi ban we gang ya gtudtungudan. Fagayu ban umsaruayan wan.”

Lukas 24:26

At matuyan, masine Dius at nafili fag Fun nu nanginkidapan yay, ay sanya ginan nangadasug sat fagmasineun.”

Lukas 24:46

Ay kanya nalong sa anya fagayu te, “Sis Dius at Longan marirukan te, Dius ban at nafili fag Fun dumalan fagidapun ay umbul, ay si bans fatuluk menit gdog yay gleleg.

Uan 14:30

Kwa gfaaba ya ku nalong sa ayu, aroro ste swa daga at fun kadasug wan. Kanya we fagmabalyananun sa angku.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

1 Pedru 2:21

Matuyan, Dius nafili ayu laman gagwantan am, aroro tam Fun Isus naidapan laman sa ayu. At nafakamulun sik fagulitan, laman gfaning tuam anya.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,