Daniel 9:25 - Fanawbuid tagsibaliwas Fakayabian

²⁵ “Asafuli ay atogdungugi te, kalangfe yay ban ufatk safulu e siamk banwa siginan nu e nalong te, awati Erusalem ay yakmay ban andasug Dius at nafili fag tagfangguna. Ay kawat ban furuan Erusalem, ay at ngay fagaweanan, ay sik alian sit ligung furuan ke mamam, kaduge ufatk sandan tuluk safulu e ufatk banwa. Ay ginanya ban, wa mabayan.

Daniel 9:25 ပူးပေါင်းရင်းမြစ်များ

2 Samwel 15:25

Sanya ginan Dabid nalong sas Saduk te, “Fafolii wan sas Erusalem Fagsuadan Nasadian. Yawi ban nu kaylat yay gfafoli angku sas Erusalem gdog kyay ban glag kanya fag Fagsuadan Nasadian ay anggan at fagfolian.

Esra 4:24

Nu katanya, nafaragang yay nu kawat Dius at bale sis Erusalem sitsigons faduak banwa Daryu nu gfunan sis talun Persya.

Esra 7:1

Nu nlangfe ngayuk banwa, gina Artaserses at fun sis Persya, Esra andasug sas Erusalem siginan Babilunya. Esra, Seraya at baguama. Ay Seraya, Asarya at baguama. Ay Asarya, Kilkya at baguama. Ay Kilkya, Salum at baguama. Ay Salum, Saduk at baguama. Ay Saduk, Aytub at baguama. Ay Aytub, Amarya at baguama. Ay Amarya, Asirya at baguama. Ay Asirya, Merayut at baguama. Ay Merayut, Meraya at baguama. Ay Seraya Usi at baguama. Ay Usi, Buki at baguama. Ay Buki, Abiswa at baguama. Ay Abiswa, Finekas at baguama. Ay Finekas, Eleasar at baguama. Ay Eleasar, Arun at baguama, sik fun tagfon fanggalangun. Ay Esra sik takamoyung at nasaful sabaliwas Yawi, Israel at Dius, at rirukan tagsis Muisis at Faugali. At fun nafon fagayu at fagetun sa anya aroro Dius nagubuk tua anya.

Esra 7:8

Esra nalao siginans Babilunya gina taguna fag menit, taguna fag magdanun. Ay siginans Dius nu ggubuk anya, kanya andasug tua sas Erusalem, gina taguna fag menit, sis falimak magdanun, gina sis fafituk banwa Artaserses nu gfunan.

Nemyas 3:1

Elyasib fag fun tagfon fanggalangun ay tiba yak tagfon fanggalangun nawat Tupa fag Sakbawan, ay nu ntabu wan, nafatigwanan wan sas Dius. Ay kanya fagayu nawat ay nafatigwanan ngay alad sitsigons fagulitan at ngayan Sadik Sandan, ay sas Kananel fag fagulitan.

Nemyas 4:2

Ay gina at ngay ufud ay Samarya fag ngay tagfawayan sit salubangan, kanya nalong te, “Nataw kafag ngay afanyuan fag ngay taw Udyu at fakamulun? O nunda at amatanganan mafatabu way nu kawat Erusalem at alad kaduge sadik menit laman gdog manamon fanggalangun? Malgau kafag ngay taw at amatanganan at ngay kinkirug ro ay at kinrufa fag alad gang masine yay.”

Nemyas 6:15

Antabu wan nu kawat alad gina sis faduak safulu e limak menit sis faunumk magdanun, Elul fag magdanun. At kadugean nu kawat alad limak safulu e duak menit.

Alubad. 71:10

Aroro ku ngay fawayan gkamatoan laman namabul angku.

Takamoyung 3:3

E buknga gfabul ay e buknga gfafia, e buknga giklas ay e buknga kawat.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Daniel 8:11

Kanya natuyan at sadili te, amabalyanan yap tua tagfangguna ngay awatan sis banwa. Nu katanya, kanya nafaragang nu gfon fanggalangun ay nafauri Yawi at bale.

Daniel 8:25

Aroro sat fagmakatuun, kanya ban gbabo sat fakamuagun. Ay kanya ban kamanagsag ay we mafaragang anya nu gfabul ngayuk taw. Ay gfawayan ban anggan ngay tagfangguna at funan. Dewa katanya, e gfaurianan ban anya bunwa siginans taw at fagmabalyananun nu bunway Dius tua at fagmabalyananun.

Daniel 9:23

Siginan yay nu gfasigad o gdarangin, Dius e nafoyung wan sa angku, ay nastie au laman namoyung au sa emu, aroro Dius kesug emu. Nu katanya, dungugani ay amatangani ku longan sa emu.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mateu 13:23

Ngay taw at nadungug ay at natogdungug Dius at Longan, kata ngay bvtang at kintong sit masine fag daga. Kafag ngay taw at fakamulun masine tua, kata yangay kafag tanum nu narawvg. At rawvg siginan tibak bvtang, sik sandan, ay tiba unumk safulu, ay tiba tuluk safulu.”

Mateu 24:15

“Ay lumag ban am at maksvn fag mauri tagfayud e masuad Dius at bale. Dius at taglong Daniel nalong sabaliwa takatanya. (Nusnga sinu tagtap tuy fag longan, atogdungugi.)

Markus 13:14

“Ay lumag ban am at maksvn fag mauri tagfayud e masuad Dius at bale, ay kanya ban malindug sat yud matuyan fag faglindugan. (Nusnga sinu tagtap tuy fag longan, atogdungugi.) Ginanya ban, fagayu taw tagsis talun Udea lagyui wan sa sangay buksul.

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 4:25

Kafag mangena glong te, “Nasaful kwan kadasug ban Dius at nafili fag Fun, (at ngayan yangay te, Mesias.) Ay gina ban andasug, kanya gfayamag sa emi fagayu nusnge wain.”

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

Fakamulun 8:30

Ay Felipe gtarung nangakbang sa kafag taw, ay nadungug nu gtap, ay nainto te, “O nasaful o am tapan at masuad?”

Efesu 5:16

Lag gfangulan ay buknga, aroro katsi mauri wan fagdaul daga at ugali.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.