Daniel 9:24 - Fanawbuid tagsibaliwas Fakayabian

²⁴ “Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Daniel 9:24 ပူးပေါင်းရင်းမြစ်များ

2 Krunika 29:24

Sanya ginan, ngay tagfon fanggalangun nafilas kanya fag ngay kambing ay nabusbus at ngay taguk sas fagirugan fanggalangun laman famalyam ngay taw Israel at ngay asalanan. Aroro at fun nasugu te, irugi fagirugun fag fanggalangun ay famasine fag fanggalangun laman sa sangay taw Israel.

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 51:6

Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.

Isayas 51:8

Aroro takatanya fag ngay taw kata way sik lanbung, ulud at naurit. Ay dewa katanya ku fagmasineun gtaglayun tua ban kabavn, ay namalangfe au fagayu kasugfunanan.”

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Esekyel 28:12

“Taw at baguama, abalui laman sas Tiru at fun. Nanlong o anya te, ‘Au, Yawi, glong au te, ebi sik yud oma o e malong fag fagulitan, saful oma o fagayu ay e fagmasineun.

Esekyel 4:5

Sik menit kata nu sadik banwa. Ay kaduge ban tuluk sandan siamk safuluk menit gfasanan o ngay taw Israel at asalanan.

Esekyel 4:6

Sanya ginan, abilingi sabaliwa siun ay bubai ngay taw Uda at asalanan kaduge ufatk safuluk menit, sik menit kata nu sadik banwa.

Lebitiku 25:8

“Galay sis faufatk safulu e siamk banwa, sis fasafuluk menit ay sis fafituk magdanun, nu gfafoli nusnga setaw, ginanya fawangi ngay budyung sas fagdaul ay talun.

Lebitiku 8:15

Ay Muisis nafabul kafag baka tama ay nabul sik alay at taguk. Kanya nafasurung at sumyu sas taguk ay nararus sa sangay sunge tagsis fagirugan at ngay fugungan laman umsine. Ay naugwag at sawad sas daga fagirugan. Takatanya fag balyawvtan, Muisis nafadante ngay fagirugan laman sas Yawi, ay laman sik masine fag fagirugan ngay fanggalangun laman famalyam asalanan.

Sakaryas 4:14

Nu katanya, kanya nalong angku te, “Kafag duak fun kayu ulibu at sanga at masuad duak taw at kinfili laman at namakamulun sas Dius, fagdaul daga at Fun.”

Tap 14:34

Ay at ngay nanginsaful gina sis talun Kanaan kaduge ufatk safuluk menit, ufatk safulu yangayk banwa fag fagidapun at fantubus aroro say ngay asalanan, laman sumaful am nu setain nu kauri au sa sangay takamabo angku.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Mateu 11:13

Aroro Dius at ngay taglong ay anggan Muisis at Faugali, nafoyung sabaliwa Dius nu gfagtainan kaduge Uan yud andasug.

Mateu 4:5

Sanya ginan, Satanas nataban Isus sas Erusalem, at yud e malong fag furuan, ay nafalindug anya sas Dius at bale sat tiba tungud fag afud.

Markus 1:24

“Isus fag taw Nasaret, nataw am fagyafakamulunun sa emi? O am algan namalyam wo em fagmabalyananun? Saful au te, o wan Dius at nasugu at Yud e Malong.”

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 3:14

Ay kanya dewa sik matuyan ay yud e malong, ankuri am anya, ay naet am te, falfasi sik takamabul fag taw.

Fakamulun 3:22

Kata Muisis at longan te, ‘Tam Fun Dius nanfili ban sik taglong kata angku siginan ay ngay kasugfunanan, ay faningi ban nusnge wain at longan sa ayu.

Fakamulun 4:26

Ngay fun sas fagdaul daga ay anggan ngay tagfangguna maful laman gfalganan namawayan em Fun, am nafili.’

Ruma 5:10

Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Kulusas 1:20

ay Dius at fakaylatun fagayu at awatan umsadi sa anya siginan at Baguama. Ay siginan at Baguama at taguk at kinbusbus sis fasulungan kayu anke fagmanabayanun, laman fagayu at awatan tagsis banwa ay tagsis daga umsadi sas Dius.

Kulusas 2:14

Dius nafaut wan fagayu at rirukan sabaliwa tam ngay fakamaboun, ay nafalyam wan fagayu siginan tam Fun Isus at narabingan sas fasulungan kayu.

Ebreu 10:14

At masuad, siginan nu gfon fanggalangun fag sadi ginan, kanya nafae yud wan e malong kabavn ban at nafasine fag ngay taw.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Ebreu 9:26

Nu katanya way ro, tam Fun Isus ro gdog way gugat gidapan siginan ngay fagdaul daga nu bagu nkawat. Ay at matuyan, kanya sadi ginan way kasure, katsi gina fakatabuan fag ngay buknga, laman gfamin wan asalanan siginan nu gfon at sadili.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

At Nafasure 14:6

Ay sanya ginan nalag au sadi yak tagbarita nu glayug sis kiwang gbuba at Masine fag Barita at yud e fakatabuan, ay kanya gfoyung sas fagayu taw tagbanwan sas fagdaul daga, sas fagayu talun, ay sas fagayu kasugfunanan, ay sas fagayu fangaringang, ay sas fagayu gaban taw.

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,