Daniel 9:22 - Fanawbuid tagsibaliwas Fakayabian

²² Kanya nafakamatoan angku ay nalong te, “Daniel, nastie au laman gfayamag sa emu am taginfan.

Daniel 9:22 ပူးပေါင်းရင်းမြစ်များ

Daniel 10:11

Kanya nalong te, “Daniel, Dius kesug emu. Alindugi wan ay dungugani ku longan emu, aroro Dius nasugu angku stae sa emu.” Ay kanya nu ntabu wan nu garingang, gtadtaruyan au kalindug.

Daniel 10:12

Kanya nalong sa angku te, “Daniel, lag o kalimu. Aroro Dius nabalus wan am darangin gina yay taguna fag menit nu kamababaun o sas Dius ay gina o gyasafulun am taginfan at masuad. Nu katanya, nastie au laman namoyung au sa emu at famalus am darangin.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 10:21

Nastie au laman namayamag sa emu sik longan tagsit Mafanud fag Fafil. Gina au gfawayan, we tiba yak taw at nagubuk angku, Mikael way lang, talun Israel at tagfangguna.”

Daniel 7:16

Ay sa ku taginfan ankakbang au sat sadi at malindug ay nainto au te, ‘Nataw tuy ku ngay nalag at masuad?’

Daniel 8:16

Sanya ginan, e nadungug au sik aringang siginans Liskung Ulay glong te, “Gabriel, fayamagi sa anya at taginfan at masuad.”

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Sakaryas 1:14

Ay tagbarita naringang sa angku te, “Foyungi te, ‘Katatuy Yawi at Mabalyanan at longan: maksvn nu kesug au Erusalem, at ngayan yangay te, Siun.

Sakaryas 1:9

Ay nainto au sat tagfakamatoan angku fag tagbarita te, “Ku Fun, nataw manga tuy fagayu at masuad?” Ay kanya gbalus angku te, “Namayamag au sa emu at masuad.”

At Nafasure 4:1

Nu ntabu takatanya fagayu, nalag au sis banwa sik sakbawan maluangan. Ay nadog kyay nadungug aro taw ku nadungug fag aringang takatas budyung, ay glong angku te, “Ululi stae ay gfalag au sa emu takafasludan yay ban.”