Daniel 9:20 - Fanawbuid tagsibaliwas Fakayabian

²⁰ Gfataglayun au gdarangin ay get famalyam laman sa ku ngay asalanan ay sa ku kaiban fag ngay taw Israel at ngay asalanan. Nafainfanyuan au sas Yawi laman sat yud e malong fag buksul.

Daniel 9:20 ပူးပေါင်းရင်းမြစ်များ

Esra 10:1

Kaduge Esra gtudan gdarangin sis salubangan Dius at bale, kanya gwayway ay gfoyung taw Israel at ngay asalanan. Ay ngayuk taw Israel, mangama, mangena ay sisian tagligung anya, gwayway yangay maksvn.

Nemyas 1:6

Kayu menit ay yabi gdarangin au, laman sa am fagsuguan fag ngay taw Israel. Dungugi ay balusi ku darangin. Ay gfoyung au sa emu em ngay asalanan, anggan ku mangaguyang at ngay asalanan.

Alubad. 145:18

Munakbang tuo sit matuyan fag ngay taw taguro tua gugat sa emu.

Alubad. 32:5

Yawi, nafoyung au sa emu ku ngay asalanan, ay dakdi nasuksuk. Anud nalong au sa ku sadili te, “Namoyung au sa emu ku ngay asalanan.” Ay nafalyam tuo.

Takamoyung 7:20

Sas fagdaul daga we taw tagfakamulun tua gugat at masine, ay at yud anke asalanan.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 58:9

Ay ginanya ban, kakbang am sa angku laman get gubuk, ay gbalus ktua ban ayu. Faragangi wan nu kamaidapan am, ay nu glong am at yud matuyan, ay nu garingang am at mauri,

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Isayas 65:24

Ay kanya ban fagayu gina nanget ay gina get, gbalus kwan at darangin.

Daniel 10:12

Kanya nalong sa angku te, “Daniel, lag o kalimu. Aroro Dius nabalus wan am darangin gina yay taguna fag menit nu kamababaun o sas Dius ay gina o gyasafulun am taginfan at masuad. Nu katanya, nastie au laman namoyung au sa emu at famalus am darangin.

Daniel 10:2

Katatuy at kinfasludan: Ginanya, au, Daniel, kabalu au kaduge tuluk buknga linggu.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Fakamulun 4:31

Ngay tagafanud nu ntabu gdarangin, at fagmafulan fag bale nauigan. Ay at Masine fag Falad antayuk sa anya fagayu ay maseganama nu kamoyung Dius at longan.

Ruma 3:23

Aroro fagayu taw e asalanan, ay we fagmasineun kata Dius.

Santiagu 3:2

Fagayu tam, ngayu tam nasalan. Sik taw nu ddi e nasalan sit longan, kanya sik yud e malong, aroro kanya gfaragang tua at sadili.

At Nafasure 21:10

Ay at Masine fag Falad antayuk sa angku, ay kafag tagbarita nabuba angku sa sik buksul tangabat, ay nafalag sa angku at yud e malong fag furuan Erusalem nu kadaga siginans banwa, siginans Dius.

At Nafasure 21:2

Ay nalag au at bagu fag furuan daul Erusalem at yud e malong nu kadaga siginans banwa siginans Dius. Kanya fag furuan kata sik mangena at nangadadwa, at mafalganan wan namablang at fainduganan.