Daniel 9:16 - Fanawbuid tagsibaliwas Fakayabian

¹⁶ Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Daniel 9:16 ပူးပေါင်းရင်းမြစ်များ

Nemyas 9:8

Ay natuyan o te, kanya matuyan tua sa emu, ay nawat yangay o nasadian sa anya te, namon ban o sat ngay kasugfunanan ngay talun. Tagagbilug kafag ngay talun: taw Kanaan, taw Ket, taw Amur, taw Peres, taw Ebus, ay ngay taw Girgas. Ay nafafasludan tuo am fatuyanan sa anya, aroro matuyan tuo.

Alubad. 143:1

Yawi, dungugi ku darangin. Dungugani nu gfainfanyuan au get sa emu. Gubuki angku, aroro matuyan tuo ay masine.

Alubad. 31:1

Yawi, o wan ku fagnangakbangan ay ku fagnansarigan. Lag gfabayan ay gfapla angku. Falangfei angku aroro matuyan tuo.

Alubad. 41:13

Kabavn segi Yawi, taw Israel at Dius. Anud!

Alubad. 71:2

Dungugi ay falangfei vtv angku.

Alubad. 79:4

Ay at munakbang si emi fag ngay talun at taw kabavn kase gfalingun ay gfae fakaplaun emi.

Alubad. 85:4

Dius em tagfalangfe, fafolii em fagmanabayanun, ay falyami wan am dotama sa emi.

Alubad. 89:51

Yawi, nusnga nday au, am ngay fawayan gfalingun angku, am nafili fag fun.

Nu Galin 20:5

Lag am gfaning ay gseg takatanya fagayu, aroro au, ay Dius Yawi, kwa kaylat nu e fagsegan am tiba. Gfaurianan au fagayu at nasalanan sa angku, anggan ay ngay sisian sitsigons fatulu ay sfaufatk talad kasugfunanan takauri angku.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 32:31

Siginan nu kawat tuy fag furuan ay dasug katsi tuy fag ngay taw nafadotama angku. Nu katanya, nangiklas kwan tuy fag furuan.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Esekyel 22:4

Gafaurianan ban o aroro nafamabul o ay aroro nafauri o am sadili siginan nu kawat o am ngay fagsegan. Andasug wan am fakatabuan. Nu katanya, ngay talun ban kase ay gfalingun emu.

Esekyel 5:14

Nanrasras kban ay furuan daul ay tagligung ban ayu fag ngay furuan ay fagayu ban taw tagdalan sa ay furuan gfalingun ayu.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 9:20

Gfataglayun au gdarangin ay get famalyam laman sa ku ngay asalanan ay sa ku kaiban fag ngay taw Israel at ngay asalanan. Nafainfanyuan au sas Yawi laman sat yud e malong fag buksul.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

2 Tesalunika 1:6

Dius at fakamulun matuyan. Kanya ban namaidapan at nafaidapan ayu.

1 Uan 1:9

Nu gfoyung tua tam tam ngay asalanan sas Dius, kanya gfalyam tam ngay asalanan ay gfasine tam basad taw sas fagayu mauri, aroro Dius kabavn matuyan ay gfafasludan at longan.

1 Samwel 2:7

Yawi e fagmabalyananun gfayud e kwa ay gfaramraman. Ay e fagmabalyananun yangay gfabat tibak taw ay gfababa tibak taw.