Daniel 9:13 - Fanawbuid tagsibaliwas Fakayabian

¹³ Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Daniel 9:13 ပူးပေါင်းရင်းမြစ်များ

Ub 36:13

Ngay taw at yud gfaning Dius, gsuksuk gugat fakadotamaun sat amatanganan, ay Dius dewa gfaurianan anya fagayu, kanya fagayu wa get gubuk sas Dius.

Alubad. 119:18

Luangi ku amatanganan, laman gtogdungug ktua am faugali at madulo.

Alubad. 119:27

Fayamagi sa angku am ngay fagaloan, laman gamatangan ktua gugat am ngay fakamulun at maksvn nu madulo.

Alubad. 119:73

Am ngay daluap nawat ay nafaksvn angku, ay nafon o angku fagmayamagun laman sumaful au am ngay suguan.

Alubad. 85:4

Dius em tagfalangfe, fafolii em fagmanabayanun, ay falyami wan am dotama sa emi.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 42:9

Fagayu ku nalong ebi anfasludan wan, ay katsi gfoyung au ayu takafasludan ban.”

Isayas 43:22

Ay dewa katanya, Israel, wo naet sa angku gubuk, ay kauri o angku.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 31:18

Nadungug au ngay taw Efraim nu gfandeng glong te, “Yawi, kata waymi sik ngay riangan baka at yud annanad e fantungud liug, dewa katanya, nafoyung tuo emi nu setain nu gfaning ami emu. O wan em Dius Yawi, nu katanya katsi, fafolii emi sa em fagbanwanan.

Eremyas 44:23

Andasug sa ayu takatanya fag faurianan aroro nairug am ngay famaebebanglu sa tibak fagsegan at nafae asalanan ayu sas Yawi. Wam nafaning at ngay suguan, at ngay faugali ay at ngay foyungan.”

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Takabalu 5:21

Yawi, fafolii wan emi sa emu. Fafolii wan em fagmanabayanun kata nu gleleg ami ebi ginan,

Esekyel 16:43

“ ‘Wo gamatang ya ebi ku nalaga emu gina o masisian. Abat ngate, nafadotama o angku siginan nu gfakamulun o at mauri, nu katanya, namaurianan au emu kata am ngay nafakamulun. Au, Fun Dius Yawi taglong tuy. O nunda wo nafakamulun ngay fakamulun at maksvn nu masuya, ay nafamut yay o am fagmauriun?

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Usea 7:7

Kanya fagayu nu kauri maksvn tua, at kaksvnan kata sik faygangan daul afuy ay gbia nu gigang. Nu katanya, kanya fagayu nafabul wan at ngay tagfangguna. Anggan at ngay fun anbul wan aroro nusdi sadi we naet gubuk sa angku.

Lukas 24:45

Sanya ginan Isus nafoyung sa anya fagayu laman gtogdungug Dius at Longan.

Uan 10:35

We taw mafafamayud Dius at Longan. Ay kanya fag ngay taw Dius at fagfonan at longan, nafangayan te, sik ngay dius.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Uan 8:32

Sumaful am at matuyan ay at matuyan at namalfas ayu.”

Efesu 4:21

gina am nadungug sabaliwa anya. Ay sa ay fagmasadiun sa anya ansaful tuam at matuyan fag foyungan sabaliwas Isus.

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.