Daniel 9:12 - Fanawbuid tagsibaliwas Fakayabian

¹² Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Daniel 9:12 ပူးပေါင်းရင်းမြစ်များ

1 Fun 3:9

Nu katanya, foni sa angku sik fagsafulun laman mafangguna au am ngay taw, ay sumaful au at matuyan ay at mauri. Sinu nunda at mananfunan am ngay taw, ay kanya fagayu ngayu mandi?”

Ub 12:17

Kanya gfayud e masuad ngay tagfangatulun at fagsafulun, ay gfayud mamatanganan ngay tagwabilug.

Alubad. 148:11

Segi Yawi, anggan am fag ngay fun, fag ngay tagfangguna, fag ngay fagtainan, ay fagayu taw sas fagdaul daga.

Alubad. 2:10

Nu katanya, am fag ngay fun ay fag ngay tagfangguna, amatangani ay dungugani tuy fag ngay famararang.

Fangatulun 8:16

Siginan angku fagayu tagfangguna gfunan tua masine. Kanya fagayu at matuyan fag ngay tagfangguna.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 39:16

“Loi sas Ebed-Melek fag taw Etiupya ay nanlong o anya te, ‘Au, Yawi at Mabalyanan, Israel at Dius, glong au te, gfafasludan kwan ku ngay nalong laman ste fag furuan. Kwa namae ramraman ya tuy fag furuan nu bunway nangiklas kwan. Ay lumag ban o nu kafasludan.

Eremyas 44:23

Andasug sa ayu takatanya fag faurianan aroro nairug am ngay famaebebanglu sa tibak fagsegan at nafae asalanan ayu sas Yawi. Wam nafaning at ngay suguan, at ngay faugali ay at ngay foyungan.”

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Takabalu 2:13

Furuan Erusalem, nataw ya ku fagmafalongun sa emu? Dada ya nu gfaladlabian au emu? Am ngay natayukan ngabasad wan kata dagat. Sinu ya ban at mafafia emu?

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 13:6

Kafag ngay taglong at ngay taginfan wa matuyan, ay nu ginsaful kamuagan way. Kanya fagayu glong te, em foyungan siginans Yawi, dewa katanya, at matuyan, kanya fagayu bunwa ku nasugu. Ay kanya fagayu gfanya at ngay foyungan nu kafasludan.

Esekyel 5:9

Aroro ay ngay fakamulun maksvn wan nu mauri, namakamulun kban sa ayu ku nayud yay batang gfakamulun ay ku fagyudun ban gfakamulun ya.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Uel 2:2

Ginanya ban fag menit, glinyabu ay madulum. Ngay liung ban kadasug ay nangarapyag sa sangay buksul gina gakamenitun. Ya batang e nfasludan takaksvn nya ay wa ban umfasludan ya takatanya kabavn.

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Sakaryas 7:12

Kanya fagayu nafatugasun at amatanganan kata gang, ay wa nafaning ku ngay suguan, ay ku ngay longan ku fagmabalyananun at nalong sa sangay taglong. Nu katanya, au Yawi at Mabalyanan, matuyan kadotama au anya fagayu.

Mateu 24:21

Aroro ginanya ban fag ngay menit, maksvn takadasug fag faurianan, gtungud yay fagayu faurianan siginan Dius nu kawat fagdaul daga dasug katsi, ay wa ban e gtungud ya.

Mateu 5:18

Matuyan nu glong au ayu te, dewa ban banwa ay daga ankamin, nusdi sik afud sirut Muisis at Faugali wa myud e tungkul yakmay ban umfasludan fagayu.

Markus 13:19

aroro ginanya ban fag ngay menit, maksvn takadasug fag faurianan, gtungud yay fagayu faurianan siginan Dius nu kawat fagdaul daga dasug katsi, ay wa ban e gtungud ya.

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Ruma 15:8

Glong au ayu te, tam Fun Isus ansik fagsuguan sa sangay taw Udyu laman gfasaful te, Dius gfafasludan at ngay fatuyanan sat ngay mangaguyang,