Daniel 8:8 - Fanawbuid tagsibaliwas Fakayabian

⁸ Kafag kambing ankaksvn nu mabalyanan. Ay gina at fagmabalyananun gakatabuun at sunge an-gatvng. Dewa katanya, nalag au ufatk sunge daul masakit natugbung ay galay at sadi gtiu sas ufatk fugungan daga.

Daniel 8:8 ပူးပေါင်းရင်းမြစ်များ

2 Krunika 26:16

Ay aroro kanya mabalyanan, kanya nafamatungudun. Nu katanya, kanya wan at nafalyam nu sik takadungug. Kanya nafamabo at Dius Yawi, siginan nu gsakbo sas Yawi at bale, ay nanangirug famaebebanglu sas fagirugan.

Ester 9:4

Aroro kanya mabalyanan sit fun at bale ay kadungug sas fagdaul at fagfagtainanan, ay ankugat yay at fagmabalyananun.

Eremyas 49:36

At ngay fawayan ban kadasug dewa ndaginan ay namawayan sas Elam, ay gfasaruayan kban at ngay taw tagbanwan sanya nusnga nday, ay glagyu ban sas fagayu talun sas fagdaul daga.

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Esekyel 16:7

Nafagurang au emu kata sik tanum sisad araw. Ay an-gurang o ay ansik diaga. Ay am susu anbia wan ay am buk ankaba wan, dewa katanya, lulas yay o.

Esekyel 28:9

O si ban manga tagfabul emu at daga salubangan malong yay o te, sik dius o? Nu sanya fag ngay taw, bunwa o dius, sik taw way o.

Daniel 11:4

Ay gina ban kanya anke fagmabalyananun, at fagfagtainanan ban karagang ay kafud sas ufatk fungfung daga. Dewa katanya, bunwa ban at kasugfunanan at nanfunan sa kafag ngay fagfagtainanan. Ay kanya ban fag ngay fun nu gfunan wa kata anya. Gbul ban siginan anya at fagfagtainanan ay gfatigwanan ban sa tibak taw.

Daniel 4:31

Ay ya ntabu nu garingang, e sik aringang siginans banwa glong te, “Fun Nabukudunusur, dungugani: nabul kwan siginan emu am fagmabalyananun nu sik fun o.

Daniel 5:20

Dewa katanya, kanya nafamanagsag ay nafamatungudun, nu katanya, Dius naiyan anya siginan at fagfagtainanan,

Daniel 7:2

“Sik yabi, e nalag au si ku taginfan sik tagbia fag dagat ay sik maksvn fag lalab nauyup siginans ufatk fugungan fagdaul daga.

Daniel 7:6

“Ay at fatuluk mangilafang kata sik leupardu. Kanya e ufatk fakfak sit guyuy ay at alfuyu ufat. Kanya e fagmabalyananun gfangguna.

Daniel 8:22

Ay at natugbung fag ufatk sunge gina an-gatvng taguna fag sunge, kanya gfafaskudanan sas ufatk fagfagtainanan sis Gresya gina kanya fag talun ankafud. Dewa katanya, kafag ufatk fagfagtainanan at ngay fun wa kata at naguna fag fun e fagmabalyananun.

Daniel 8:5

Ay kaduge au gdama, sik kambing andasug siginans fakayabian. Kafag kambing kafagdaul sas fagdaul daga ay at kasakitan nu gtarung, at darafa wa gtayuk ya daga. Ay e sunge sit dua mata at wabilug.

Daniel 8:7

Ay at kaksvnan nu kadotama, nasunge ay kafag tupa at sunge fagdua an-gatvng. Ay tupa wa mafawayan ya ay antangda, nu katanya, kafag kambing nasiad anya. Ay we makatu ya ggubuk kafag tupa.

Mateu 24:31

Ay gina ban e gbudyung daul gsugu kban ku ngay tagbarita, laman namaful ku nafili fag ngay taw siginans fagayu talun ay dewa ndaginan fag fungfung daga.

Markus 13:27

Ay gsugu kban ku ngay tagbarita laman namaful ku nafili fag ngay taw siginans fagayu talun, ay dewa ndaginan fag fungfung daga.

Deuterunumyu 31:20

Gtaban kban anya fagayu sat masine ay maramraman fag talun, ku nafatuyan sat ngay mangaguyang. Ay kanya ban fagayu gbanwan sanya manabayan, ay kon ban nusnga setaw fag fakonun at naylatan, ay kapsug tua. Dewa katanya, kanya ban fagayu gtalyuyan angku ay nanseg tibak fagsegan, ay wa ban gfaning ku nasadian.

At Nafasure 7:1

Nu ntabu takatanya, nalag au ufatk tagbarita malindug sis ufatk fugungan daga, ay kanya fag ufat gfatawad ufatk tagmara laman wa gtagmara sas daga ay sas dagat, ay sas nusnga setaw fag kayu.