Daniel 8:4 - Fanawbuid tagsibaliwas Fakayabian

⁴ Nalag au tuy nu gsunge nusnga nday fag furuan. Nusnga setaw fag fagbaugun we mafaragang anya ay we malagyu. Ay kanya mafafakamulun at fakaylatun, nu katanya, kanya anke fagmabalyananun.

Daniel 8:4 ပူးပေါင်းရင်းမြစ်များ

1 Fun 22:11

Ay Sedekya fag taglong, Kenaana at baguama, nawat duak sunge at fangawat sanbung. Ay kanya nalong te, “Yawi glong te, ‘Fun Akab, namawayan o ngay taw Aram siginan tuy fag duak sunge, ay gfamin ban o anya fagayu.’ ”

Ub 10:7

Nasaful wo te, kwe asalanan. Dewa katanya, we mafaago angku siginan am daluap.

Alubad. 44:5

Siginan am gubuk nababo tuami, ay nasiad ami em ngay fawayan.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Alubad. 7:2

Bunway o, we makatu gfalangfe angku, aroro ku ngay fawayan kata sik ngay liun kaylat namasadsamanan at nagamat at ngay afud bilug.

Esekyel 34:21

Am fag ngay mataglu, natulud am ay nasunge at mamomuy yakmay kanya fagayu nyayu.

Daniel 11:16

Nu katanya, tagsis fawalan baliwa fag fun gfakamulun at fakaylatun ay wa ban e mafaragang anya. Kanya ban gagbilug ngay taw Israel at masine fag talun ay gfasat daga fagmabalyananun.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 5:19

Aroro sat nafon anya fag fagmabalyananun, fagayu gaban taw sas fagayu talun sas fagdaul daga, tagsaman at ngay fangaringang anlimu anya. Ay kanya gfabul nusnga sinu fag taw at fakaylatun gfabul, ay wa gfabul at fagyudun kaylat gfabul, ay gfae fanambagun at fakaylatun fag taw, ay gfayud e fanambagun at fakauriun fag taw.

Daniel 5:30

Ay ginanya fag yabi, e nafabul Belsasar, Babilunya at fun,

Daniel 7:5

“At faduak mangilafang kata sik usu. Kanya malindug ay e tangagan tuluk tagyang. E nalong sa anya te, ‘Kin, fafanudani wa fia emu oni yamas!’

Daniel 8:7

Ay at kaksvnan nu kadotama, nasunge ay kafag tupa at sunge fagdua an-gatvng. Ay tupa wa mafawayan ya ay antangda, nu katanya, kafag kambing nasiad anya. Ay we makatu ya ggubuk kafag tupa.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Deuterunumyu 33:17

Ay at fagmabitsugun kata sik tumad baka tama. Ay at fagmabalyananun kata at mela fag baka at sunge. Ay siginan ban at fagmabalyananun kanya ban gbabo ngay talun anggan sa tangayayu fag talun. Kata ban kanya ku fon sa sangay taw Efraim ay sa sangay taw Manase.”