Daniel 8:19 - Fanawbuid tagsibaliwas Fakayabian

¹⁹ Ay kanya nalong te, “Namoyung au emu takafasludan gina ban Dius nafadasug at dotama, aroro kanya nafalganan wan taguyan fag buknga.

Daniel 8:19 ပူးပေါင်းရင်းမြစ်များ

Alubad. 102:13

Nasaful au te, namakamulun o laman namalangfe furuan Siun. Ay katsi andasug wan at buknga laman gfalag o am fakafanyun.

Daniel 11:27

“Ay kanya ban fag duak fun kasadi, dewa katanya, gsud ban kamuag ay gamatangan mauri sat iba. Ay wa ban kataglayun at mesa algan aroro ya ndasug Dius at nafalganan fag buknga.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 8:23

“Ay gina ban kanya fag ngay fun gakatabuun nu gfunan, ay gina ban maksvn at fagmauriun, umke fun ban at madot ay at mauri.

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Lukas 21:23

Ay ginanya ban fag ngay menit, afanyuan ngay tagfafion ay anggan at ke fagfasusuun, aroro siginans fagidapun daul takadasug ban ste fag talun, Dius at faurianan sa kafag ngay taw.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.

At Nafasure 10:7

Ay gina ban at fafituk tagbarita nauyup at budyung, umfasludan ban Dius at algan at masuksukan, at ngay fagsuguan fag ngay taglong at nalong.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 15:1

Ay sanya ginan nalag kyay fia sadi yak madulo sis banwa. Fituk tagbarita e buba fituk faurianan, kanya wan taguyan fag ngay faurianan, aroro sanya wan nu katabu Dius at fandotaman.

At Nafasure 17:17

Dius nafamatangan kafag safuluk fun, laman at algan umfasludan, siginan nu gfon sa tagfangagat fag mela at fagmabalyananun gfunan yakmay anfasludan Dius at ngay nalong.