Daniel 8:14 - Fanawbuid tagsibaliwas Fakayabian

¹⁴ Ay at sadi fag tagbarita nabalus te, “Kafasludan ban takatanya fagayu kaduge duak libu tuluk sandank balabag ay fafun, ay sanya ginan ban gdog yay namasine Yawi at bale.”

Daniel 8:14 ပူးပေါင်းရင်းမြစ်များ

Fakasigadan 1:5

Ay kafag yamag nafangayan te, “Menit” ay dulum, “Yabi.” Yabi nu nlangfe, balabag andasug. Kanya taguna fag menit.

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Daniel 12:11

“Siginan ban nu gfaragang nu gfon ngay fanggalangun ay nu gfasakbo sas Yawi at bale at mauri fag fagagbilugun tagfayud e masuad, kalangfe yay ban sadik libu duak sandan siamk safuluk menit yakmay andasug at fakatabuan.

Daniel 12:12

Mauseganan sik taw tagfanya tua ay tagagwantan yakmay anlangfe sadik libu tuluk sandan tuluk safulu e limak menit.

Daniel 12:7

Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Galasya 3:8

Dius at Longan nafoyung ebi te, Dius gtap yangay yud Udyu fag ngay taw kata nu yud e asalanan, aroro siginan at fagafanudun. Ay Dius nafoyung yangay at Masine fag Barita sas Abrayam te, “Siginan emu, gfadante kban fagayu talun at taw.”

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 13:5

Ule daul nafon sa tagfangagat fag mela sik bibig laman nanfamatungudun ay namauri Dius, ay gfagtainan kaduge ufatk safulu e duak magdanun.