Daniel 8:11 - Fanawbuid tagsibaliwas Fakayabian

¹¹ Kanya natuyan at sadili te, amabalyanan yap tua tagfangguna ngay awatan sis banwa. Nu katanya, kanya nafaragang nu gfon fanggalangun ay nafauri Yawi at bale.

Daniel 8:11 ပူးပေါင်းရင်းမြစ်များ

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:29

Aroro nadungug au nu kadotama o ay kamatungudun sa angku, namae fansayang au sim dungus ay namuksung au am bibig, ay gguyudan au emu sam guyan ay namafoli au emu sam fagbanwanan.’ ”

Eremyas 48:26

Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 48:42

Talun Muab karasras wan aroro natalyuyan Yawi.

Esekyel 46:14

Fasfuani foni ay fanggalangun tuluk fabudbungguan fangawat tinapay, ay sik wabilug baringan ulibu at langis famasuglat sas fangawat tinapay. Kabavn ban foni sa angku takatanya fag fanggalangun.

Daniel 11:22

Kanya ban gfabul ngayuk tagfawayan, anggan fun tagfon fanggalangun.

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 12:11

“Siginan ban nu gfaragang nu gfon ngay fanggalangun ay nu gfasakbo sas Yawi at bale at mauri fag fagagbilugun tagfayud e masuad, kalangfe yay ban sadik libu duak sandan siamk safuluk menit yakmay andasug at fakatabuan.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 8:12

Sa takatanya at nafakamulun, nafatigwanan sa anya fagayu awatan tagsis banwa ay kanya nafaragang nu e gfon fanggalangun kayu menit, ay nababo sas fagayu at fakamulun.

Daniel 8:24

Kanya ban umsik mabalyanan, dewa katanya, bunwa siginan at sadili fagmabalyananun. Ay kanya nu grasras, malimu, ay kanya ban at fakamulun fagayu umfasludan. Ay gfabul ban at ke fagmabalyananun fag ngay taw anggan Dius at ngay taw at yud e malong.

Daniel 8:25

Aroro sat fagmakatuun, kanya ban gbabo sat fakamuagun. Ay kanya ban kamanagsag ay we mafaragang anya nu gfabul ngayuk taw. Ay gfawayan ban anggan ngay tagfangguna at funan. Dewa katanya, e gfaurianan ban anya bunwa siginans taw at fagmabalyananun nu bunway Dius tua at fagmabalyananun.

Daniel 9:25

“Asafuli ay atogdungugi te, kalangfe yay ban ufatk safulu e siamk banwa siginan nu e nalong te, awati Erusalem ay yakmay ban andasug Dius at nafili fag tagfangguna. Ay kawat ban furuan Erusalem, ay at ngay fagaweanan, ay sik alian sit ligung furuan ke mamam, kaduge ufatk sandan tuluk safulu e ufatk banwa. Ay ginanya ban, wa mabayan.

Tap 28:3

‘Ay fagnamubaun ban ay fagnangirugun fag ngay fanggalangun sas Yawi galay menit: duak tupa riangan at yud e malong tagsadik banwa.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

Ebreu 2:10

Dius nawat fagayu nusnge wain laman sat sadili, ay kanya anke algan gfadasug at ngay sisian sat fagmasineun. Ay naylat Isus nu kasik yud e malong fag tagfangguna siginan at naidapanan, laman gfalangfe at ngay sisian.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”