Daniel 7:9 - Fanawbuid tagsibaliwas Fakayabian

⁹ “Sanya ginan, nalag au sik ngay faglunggungan, ay tagleleg kabavn fag Dius nananmalunggung sanya fag faglunggungan at sadi. At lanbung ay at buk masulo at kaksvnan nu malaksi. Ay at faglunggungan ke ngay balingkitan gigang.

Daniel 7:9 ပူးပေါင်းရင်းမြစ်များ

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

2 Krunika 18:18

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

Alubad. 45:8

Nafatayuk sam ngay lanbung tuluk famaebebanglu tagsaman. Am bale daul masulo ay masine, ay sanya e gfawang fagfawangun laman gfasun emu.

Alubad. 90:2

Dius, gina yay o yud nawat ngay buksul ay fagdaul daga, sanya wo. O wan Dius, siginan ngay ebi ay kabavn ban.

Alubad. 93:2

Siginans fagsigadan, nafaogat o am fagbanwanan. Siginan ngay nu kae buknga, sanya wo gugat.

Isayas 6:1

Gina fun Usya kabul fag banwa, nalag au tam Fun Dius nu malunggung si tiba tungud fag fagmalunggungan, ay at lanbung aba ankapnu sat basad bale.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 49:38

Gfabul kban talun Elam at fun ay at ngay tagfangguna ay namasanya kban ku faglunggungan.

Esekyel 1:26

Ay sanya e kata sik faglunggungan mawatan siginan tagmedmeloun fag ngay gang, ay sanya fag faglunggungan e kata sik taw.

Daniel 7:13

“Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Daniel 7:22

Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Abakuk 1:12

Abakuk nalong te, “Yawi, o wan ku Dius siginan ebi. O wan at yud e malong ay at yud e fakatabuan fag Dius. Yawi ku fagsarigan, nafili o ngay taw Babilunya laman gfaurianan emi.

Mateu 17:2

Ay Isus at kawalungan anbali gina sit ibama at salubangan, ay at mata masulo kata menit. Ay anggan at lanbung at kalaksian, ganinag kata menit nu gyamag.

Mateu 28:3

At kamasuloan kaksvn sik limbad, ay at lanbung malaksi.

Markus 9:3

Isus at lanbung malaksi ay maksvn nu masulo, nusnga sinu fag taw we mafafalaksi takaksvn nya.

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

Fakamulun 2:33

Ay Isus nu siwas banwa, namalunggung sis Dius at siun baliwa, ay kanya nagbilug at Mama at nafatuyanan sa anya at Masine fag Falad. Ay Isus nafon yangay sa emi at Masine fag Falad kata ay nalag ay ay nadungug katsi.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

1 Timuteu 6:16

Kanya at yud kabul kabavn ay tagbanwan sisad mayamag yud e manangakbang, ay we taw batang glag anya, ay wa ban batang e glag. Siwa anya at yud e fakatabuan fag famauseganan ay fag fagmabalyananun Anud.

1 Uan 1:5

Katatuy em nadungug siginan tam Isus, ay gfoyung ami ayu te, Dius wan fagmayamagun, ay si anya we madulum nusdi alay.

At Nafasure 1:14

Ay at buk at kalaksian kalaksi sik dingin at barugwak, ay at mata gigang kata afuy.

At Nafasure 19:18

laman kon ngay fun ayu daul at ngay bilug, ay ngay fun tagfawayan at ngay bilug, ay at mabalyanan fag ngay taw at ngay bilug, ay at ngay kabayu at ngay bilug, ay fagayu taw tagsakay at ngay bilug, ay fagayu taw at ngay bilug, dewa sik fagsuguan ay yud fagsuguan, ay sik takadungug ay at yud kadungug.”

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.

At Nafasure 4:2

Ay arodi at Masine fag Falad antayuk sa angku, ay nalag au sis banwa sik fanfun fag faglunggungan ay at malunggung sanya.