Daniel 7:8 - Fanawbuid tagsibaliwas Fakayabian

⁸ “Kaduge au gamatangan at ngay sunge, nalag au sik sunge sirut nu gtugbung, sanya ginan tuluk sunge an-gunut. Kafag sunge e mata kata sik taw ay garingang kamatungudun.

Daniel 7:8 ပူးပေါင်းရင်းမြစ်များ

Alubad. 12:3

Yawi, faragangi wan ngay tagfandaya ay takamatungudun.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 7:19

“Nainto kyay fia te, ‘Nataw at faufatk mangilafang at fagsamanun way?’ Kanya malimu nu kadama ay at ngay bagang sik ngay sanbung ay at ngay u tansu. Kanya nayukfu ay naramyuk at nagamat ay kanya nasiad way lang at nagsawadan.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

2 Timuteu 3:2

Ngay taw ban kamasadiliun, ay galabian salapi, ay kamatungudun, ay kamuag, ay glong at mauri sat ngay iba, ay kamabo at fagtainan, ay wa saful gfauseganan sas nusnga sinu dewa e nafakamulun sa anya at masine, ay wa gfaning Dius.

2 Pedru 2:18

Kafag ngay taw kamaseganamaun nu garingang, dewa katanya, we tungkul at foyungan. Ay kanya fagayu gfamatanganan sas fagfanugtugun laman gfaylatan gfafoli sas asalanan ngay taw at bagu yay kalfas siginan at yud matuyan fag ngay ugali.

Udas 1:16

Kanya fag ngay taw maksvn nu kamayud, ay maksvn nu gfaning at bilug at fakaylatun, ay kamatungudun sabaliwa at sadili fakamulun, ay gfaylatan tibak taw laman mafafabul at fakaylatun.

At Nafasure 13:1

Ay sanya ginan nalag au sik tagfangagat fag mela nu kasure siginans dagat. Kafag mela safulu at alfuyu ay safulu at sunge. Ay galay sik sunge e sangbo, ay galay sik alfuyu e rirukan sik ngayan tagfauri Dius.

At Nafasure 9:7

Kafag ngay liung mafalganan wan kata ngay kabayu at mafalganan namawayan. Ay sit ngay alfuyu e kata sik sangbo mawatan siginans gintu, ay at ngay kamatan kata sik taw at kamatan.

1 Samwel 2:3

Lag kamatungudun nu garingang o, aroro Yawi saful way fagayu nusnge wain, ay kanya ban nanginsaful ngay taw siginan at nafakamulun.