Daniel 7:5 - Fanawbuid tagsibaliwas Fakayabian

⁵ “At faduak mangilafang kata sik usu. Kanya malindug ay e tangagan tuluk tagyang. E nalong sa anya te, ‘Kin, fafanudani wa fia emu oni yamas!’

Daniel 7:5 ပူးပေါင်းရင်းမြစ်များ

2 Fun 2:24

Elisyu anbiling ay nadama kanya fag ngay baguama, ay nafaurianan anya fagayu sas Yawi at ngayan. Sanya ginan, e duak usu tina andasug siginan sad araw ay nagarit ay naradranggutan at ufatk safulu e duak baguama.

Fangatulun 17:12

Amasine yap gfablang sik tagfangagat fag mela, nu gamut sik taw at yud mamatanganan tagfakamulun at mauri.

Isayas 56:9

Akbangi, am fag ngay taw at madot kata ngay mangilafang sisad araw, ay namamin am ku ngay taw Israel.

Daniel 11:2

“Katsi glong au sa emu at mafanud, tulu ya bank fun at nanfunan sas talun Persya. Ay at faufat bank fun amaramraman yap tua at naguna fag ngay fun. Ay siginan ban at ramraman, kanya umke fagmabalyananun, ay gfaylatan ban tibak fun te, namawayan tam talun Gresya.

Daniel 2:39

“Ay tagtubus ban emu sim fagfagtainanan, nu gfunan wa kaksvn ya nu gfunan o. Ay at fatulu bank fagfagtainanan fakatoglagan kata ban kanya fag fagsegan tansu, ay kanya fag fagfagtainanan gagbilug fagdaul daga.

Daniel 5:28

Parsin: am fagfagtainanan ban kaduak afud ay gfon sa sangay taw Medya ay Persya.”

Daniel 7:4

“Taguna fag mangilafang kata sik liun, ay e fakfak kata sik manuk tungud. Nalag au at fakfak nu kagatvng. Ay kanya namalindug kata sik taw ay anke amatanganan kata sik taw.

Daniel 7:6

“Ay at fatuluk mangilafang kata sik leupardu. Kanya e ufatk fakfak sit guyuy ay at alfuyu ufat. Kanya e fagmabalyananun gfangguna.

At Nafasure 13:2

Ay kanya fag mela kata kuti daul, ay at darafa kata sik mela daul tangaba at u, ay at bibig kata liun at bibig. Ay ule daul nafabalyanan tagfangagat fag mela ay nafon sa anya at faglunggungan ay at fagfagtainanan.