Daniel 7:4 - Fanawbuid tagsibaliwas Fakayabian

⁴ “Taguna fag mangilafang kata sik liun, ay e fakfak kata sik manuk tungud. Nalag au at fakfak nu kagatvng. Ay kanya namalindug kata sik taw ay anke amatanganan kata sik taw.

Daniel 7:4 ပူးပေါင်းရင်းမြစ်များ

2 Samwel 1:23

Ngay taw Israel maksvn nu kesug Saul ay Yunatan. Dewa sas fagmanabayanun ay sas fakabulun gadgaloan tua gugat. Ay kanya fagayu gina gfawayan, amasakit yap tua bio ay amabitsug yap tua sik liun.

Ub 25:6

kaugat wa ro ngay taw takata way sik ngay ulud.”

Alubad. 9:20

Yawi, fabanwani si anya fakalimuun, laman kanya fagayu sumaful at sadili te, sik ngay taw way.

Eremyas 25:38

Yawi kata sik liun at nalfas siginan at luib laman nanrvbvy at fagnangonun. Mabalu way lang ban si ay talun, aroro ay ngay fawayan at nafakamulun ay aroro maksvn Yawi nu kadotama.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Takabalu 4:19

Tagfafalo emi fag ngay fawayan asakit yap sik bio. Ay kanya fagayu gfafalo emi sa sangay buksul ay nanbalabag emi sat yud e taw fag talun, laman namawayan.

Esekyel 17:3

Nanlong o sanya fag ngay taw te, au, Fun Dius Yawi, glong au te, e sik bio daul glayug sabaliwas Lebanun. At fakfak marafad ay at sigyu marabung ay gridrirukun. Ay kanya naafun sa sik kayu sidru,

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Esekyel 28:9

O si ban manga tagfabul emu at daga salubangan malong yay o te, sik dius o? Nu sanya fag ngay taw, bunwa o dius, sik taw way o.

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

Daniel 4:36

Ay nu nfoli wan sa angku ku amatanganan at masine, nafafoli yangay sa angku ku fagmasineun ay ku fagmabalyananun nu sik fun. Ku ngay tagfangatulun ay takadungug fag ngay taw nadog yay anfoli sa angku, ay anfoli yay ku fagmabalyananun gtungud tua ebi.

Daniel 7:12

Ay e nabul at tuluk mangilafang at fagmabalyananun, ay nafabayan anya nu gleleg kaduge sik buknga sirut.

Daniel 7:5

“At faduak mangilafang kata sik usu. Kanya malindug ay e tangagan tuluk tagyang. E nalong sa anya te, ‘Kin, fafanudani wa fia emu oni yamas!’

Mateu 24:28

Kata sik faydayuanan te, ‘Nusnga nday ke mabulan, ugak nangaful sanya.’

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

At Nafasure 13:2

Ay kanya fag mela kata kuti daul, ay at darafa kata sik mela daul tangaba at u, ay at bibig kata liun at bibig. Ay ule daul nafabalyanan tagfangagat fag mela ay nafon sa anya at faglunggungan ay at fagfagtainanan.