Daniel 7:27 - Fanawbuid tagsibaliwas Fakayabian

²⁷ Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Daniel 7:27 ပူးပေါင်းရင်းမြစ်များ

Alubad. 145:13

Yawi, nu gfagtainan o sas fagayu kasugfunanan, kabavn tua. Gfafasludan tuo gugat am ngay fatuyanan, ay sas fagayu am fakamulun, mafangafanyu tuo.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:22

Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Lukas 1:33

Ay kanya ban gfagtainan Akub at ngay kasugfunanan, ay wa ban e fakatabuan nu gfagtainan.”

Uan 12:34

Ngay taw gbalus anya te, “Muisis at Faugali at foyungan emi te, Dius at nafili fag Fun gbanwan ban kabavn. Wain am fagnalongun te, ‘E gfabat ban Taw at Baguama’? Sinu nunda ‘Taw at Baguama’?”

1 Kurintu 15:24

Ay sanya ginan ban kadasug wan fakatabuan, ay gina ban tam Fun Isus nababo fagayu funan, ay tagfangguna ay at mabalyanan sas falad, kanya ban gfon wan sa tam Dius tam Mama fagmafagtainanun.

At Nafasure 11:1

Nu ntabu katanya, kafag tagbarita nafon sa angku sik famasudsudan kata sik tulag, ay kanya nalong sa angku te, “Malindug o ay namasudsudan o Dius at bale ay anggan at fagirugan fanggalangun, ay tapi nu seyuk taw tagseg sanya.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.