Daniel 7:25 - Fanawbuid tagsibaliwas Fakayabian

²⁵ Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 7:25 ပူးပေါင်းရင်းမြစ်များ

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Daniel 11:28

Tagsi bans fawalan baliwa fag fun guli sat talun gbuba at nabul fag ngay ramraman siginans fagawayanan. Ay ginanya ban kanya namawayan laman gfaragang ngay taw nu gseg ay nu gfon fanggalangun sas Dius. Sanya ginan ban, guli wan sat talun.

Daniel 12:7

Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 2:21

Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Daniel 3:26

Nu katanya, fun Nabukudunusur ankakbang sas sakbawan faygangan ay nauro kanya fag tulu te, “Tiba Tungud fag Dius at ngay fagsuguan, gewan, duksuni sanya ginan.” Ay kanya fag tulu naduksun.

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:2

Kaylat au gfasaful sa ayu Tiba Tungud fag Dius at nafakamulun sa angku fag ngay madulo.

Daniel 4:25

Dius ban gaiyan ay gfayayu emu siginans ngay taw ay gbanwan ban o sasad araw gadgaloan tagsis talun fag ngay mangilafang. Kata ban o ngay baka kon bariri, ay damug ban gfabasa emu. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay mafagbilug sas nusnga sinu.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:20

Nainto kyangay fia sa anya te, ‘Nataw at masuad kanya fag safuluk sunge ay at sadi at sunge at natugbung ay at kin-gunut fag tuluk sunge.’ Kafag sunge e mata ay e bibig kamatungudun nu garingang, ay nu kadama amabalyanan yap kanya fag tuluk sunge.

Daniel 7:8

“Kaduge au gamatangan at ngay sunge, nalag au sik sunge sirut nu gtugbung, sanya ginan tuluk sunge an-gunut. Kafag sunge e mata kata sik taw ay garingang kamatungudun.

Daniel 8:11

Kanya natuyan at sadili te, amabalyanan yap tua tagfangguna ngay awatan sis banwa. Nu katanya, kanya nafaragang nu gfon fanggalangun ay nafauri Yawi at bale.

Daniel 8:14

Ay at sadi fag tagbarita nabalus te, “Kafasludan ban takatanya fagayu kaduge duak libu tuluk sandank balabag ay fafun, ay sanya ginan ban gdog yay namasine Yawi at bale.”

Daniel 8:9

Sit sadi fag ufatk sunge e natugbung sik sunge sirut. Kanya fag sunge sirut anke fagmabalyananun sas fakamenitan ay sas fasiunan fag alvngvdan, ay sas Israel fag daga at masine.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

2 Tesalunika 2:3

Lag am gadayan nusnga sinu fag taw at foyungan, aroro ya kadasug kanya fag menit yakmay e gfawayan Dius, ay yakmay ban andasug at mauri fag taw tagafaurianan ban kabavn.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 12:6

Ay kafag mangena nalagyu wan sas talun at yud e taw, sas Dius at nafalganan laman kafag mangena at fagbanwanan, ay nangalaga anya sanya kaduge sadik libu duak sandan unumk safuluk menit.

At Nafasure 14:12

Nu katanya, am fag ngay taw Dius at nafili ay tagfaning at suguan ay tagafanud sas Isus, agwantani tua.

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”

At Nafasure 17:6

Ay nalag au kafag mangena nu galangu siginan Dius at ngay taw at taguk, ngay taw at kinbul siginan nu gfaning Isus. Ay nu nalag au anya, andulo au maksvn.

At Nafasure 18:24

Ay Dius at ngay taglong ay at ngay taw at taguk anlag sanya fag furuan daul, ay fagayu at nafabul fag ngay taw sas fagdaul daga.”