Daniel 7:22 - Fanawbuid tagsibaliwas Fakayabian

²² Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Daniel 7:22 ပူးပေါင်းရင်းမြစ်များ

Alubad. 149:5

Am fag ngay taw at matuyan sas Yawi, useganani aroro nababo tuam, ay alubadi useganani dewa am si ay ngay fagtiugan.

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:23

“Katatuy at famayamag sa angku: at faufatk mangilafang gfafaskudanan sas faufatk fagfagtainanan stes fagdaul daga tagsaman tibak fagfagtainanan. Kanya nansiad ay nanrasras fagdaul daga.

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

At Nafasure 1:6

Kanya nafili antam laman sik ngay fun ay sik ngay tagfon fanggalangun laman namakamulun sat Mama, Dius. Si wa anya fagmasineun ay fagmabalyananun kabavn ban. Anud.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

At Nafasure 5:10

Nafili o anya fagayu laman sik ngay fagtainan ay sik ngay tagfon fanggalangun laman gfaning tam Dius. Ay kafag ngay taw gfunan sas fagdaul daga.”