Daniel 7:21 - Fanawbuid tagsibaliwas Fakayabian

²¹ Nalag au tuy fag sunge gfawayan Dius at ngay taw at yud e malong, ay kanya nababo.

Daniel 7:21 ပူးပေါင်းရင်းမြစ်များ

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 12:7

Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 7:20

Nainto kyangay fia sa anya te, ‘Nataw at masuad kanya fag safuluk sunge ay at sadi at sunge at natugbung ay at kin-gunut fag tuluk sunge.’ Kafag sunge e mata ay e bibig kamatungudun nu garingang, ay nu kadama amabalyanan yap kanya fag tuluk sunge.

Daniel 8:12

Sa takatanya at nafakamulun, nafatigwanan sa anya fagayu awatan tagsis banwa ay kanya nafaragang nu e gfon fanggalangun kayu menit, ay nababo sas fagayu at fakamulun.

Daniel 8:24

Kanya ban umsik mabalyanan, dewa katanya, bunwa siginan at sadili fagmabalyananun. Ay kanya nu grasras, malimu, ay kanya ban at fakamulun fagayu umfasludan. Ay gfabul ban at ke fagmabalyananun fag ngay taw anggan Dius at ngay taw at yud e malong.

Daniel 8:9

Sit sadi fag ufatk sunge e natugbung sik sunge sirut. Kanya fag sunge sirut anke fagmabalyananun sas fakamenitan ay sas fasiunan fag alvngvdan, ay sas Israel fag daga at masine.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 17:6

Ay nalag au kafag mangena nu galangu siginan Dius at ngay taw at taguk, ngay taw at kinbul siginan nu gfaning Isus. Ay nu nalag au anya, andulo au maksvn.

At Nafasure 19:19

Ay sanya ginan nalag au tagfangagat fag mela ay fagdaul daga at ngay fun ayu daul nu maful magamut at ngay tagfawayan laman namawayan sat tagsakay sat kabayu, ay anggan sat ngay tagfawayan.