Daniel 7:13 - Fanawbuid tagsibaliwas Fakayabian

¹³ “Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Daniel 7:13 ပူးပေါင်းရင်းမြစ်များ

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 47:5

Dius kaduge glao sat fagfagtainanan, ngay taw guro gseg ay gfawang at ngay budyung.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Esekyel 1:26

Ay sanya e kata sik faglunggungan mawatan siginan tagmedmeloun fag ngay gang, ay sanya fag faglunggungan e kata sik taw.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:12

Ay e nabul at tuluk mangilafang at fagmabalyananun, ay nafabayan anya nu gleleg kaduge sik buknga sirut.

Daniel 7:2

“Sik yabi, e nalag au si ku taginfan sik tagbia fag dagat ay sik maksvn fag lalab nauyup siginans ufatk fugungan fagdaul daga.

Daniel 7:22

Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Daniel 7:9

“Sanya ginan, nalag au sik ngay faglunggungan, ay tagleleg kabavn fag Dius nananmalunggung sanya fag faglunggungan at sadi. At lanbung ay at buk masulo at kaksvnan nu malaksi. Ay at faglunggungan ke ngay balingkitan gigang.

Daniel 8:15

Kaduge au gdama ku nalag ay gamatangan at masuad, masakit anlindug sa ku daga salubangan sik takata sik taw.

Mateu 13:41

Ay au, Taw at Baguama, gsugu kban ku ngay tagbarita laman namasaman siginan ku fagfagtainanan fagayu tagfae asalanan ay fagayu tagfakamulun at mauri.

Mateu 24:30

Ay sanya ginan umsure Taw at Baguama at fakatoglagan sis banwa. Ay ginanya, fagayu taw sas fagdaul daga kabalu. Ay kanya ban fagayu lumag angku Taw at Baguama nu kadasug au sis linyabu sis banwa, ay e fagmabalyananun au ay e fagmasineun au daul.

Mateu 25:31

“Au, Taw at Baguama, gina ban au kadasug stae swa daga gasfuan ngay tagbarita fagayu, e fagmasineun ban au daul. Kadugenya gmalunggung au sa ku fagmalunggungan ke fagmasineun, laman namagtainan.

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 8:20

Ay Isus nabalus anya te, “Amatangani, sik idu talun e fagnansarirungan tua. Ay manuk tungud e fugad tua. Ay au, taw at Baguama, kwe fagtiugan.”

Markus 13:26

Ay nu ntabu wan takatanya, fagayu taw lumag angku, Taw at Baguama, nu kadasug siginan sad linyabu, e fagmabalyananun au, ay e fagmasineun.

Lukas 21:27

Ay nu ntabu ban takatanya, fagayu taw lumag angku, Taw at Baguama, nu kadasug au sisad linyabu, ay e fagmabalyananun au, ay anggan e fagmasineun au daul.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Uan 12:34

Ngay taw gbalus anya te, “Muisis at Faugali at foyungan emi te, Dius at nafili fag Fun gbanwan ban kabavn. Wain am fagnalongun te, ‘E gfabat ban Taw at Baguama’? Sinu nunda ‘Taw at Baguama’?”

Uan 3:13

We naulul sas banwa nu bunway au, Taw at Baguama, at natustus siginans banwa.

Uan 5:27

Ay nafon yangay sa angku, at Baguama, fagmabalyananun ginsaful taw at asalanan, aroro au wan Taw at Baguama.

Fakamulun 7:56

Ay Esteban nalong te, “Damai, glag au banwa maluangan ay Isus, Taw at Baguama nu malindug sis Dius at siun baliwa.”

1 Tesalunika 4:17

Ay Isus gfaful ban antam sasad linyabu, itam tagleleg, at naguyanan yay, gasfuan at ngay nafaleleg laman namablang tam tam Fun sas kiwang ay magamut ban tam si anya kabavn.

1 Timuteu 6:16

Kanya at yud kabul kabavn ay tagbanwan sisad mayamag yud e manangakbang, ay we taw batang glag anya, ay wa ban batang e glag. Siwa anya at yud e fakatabuan fag famauseganan ay fag fagmabalyananun Anud.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

At Nafasure 1:13

Ay sis wabilug ngay fagfatungkudan salung e sik mangama takata Taw at Baguama. Kanya galanbungan aba sitsigon at sungkulan, ay sit dubdub e famutus at mawatan siginans gintu.

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.

At Nafasure 14:14

Ay sanya ginan, nalag au sik linyabu malaksi ay e malunggung sanya kata sik taw gasangboan mawatan siginans gintu, ay gbitbitan sik fanggafas at maglat.