Daniel 7:11 - Fanawbuid tagsibaliwas Fakayabian

¹¹ “Gfataglayun au gdama kafag sunge takamatungudun, ay nalag au nu gfabul at faufatk mangilafang. Ay naukas anya sasad afuy.

Daniel 7:11 ပူးပေါင်းရင်းမြစ်များ

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 7:12

Ay e nabul at tuluk mangilafang at fagmabalyananun, ay nafabayan anya nu gleleg kaduge sik buknga sirut.

Daniel 7:8

“Kaduge au gamatangan at ngay sunge, nalag au sik sunge sirut nu gtugbung, sanya ginan tuluk sunge an-gunut. Kafag sunge e mata kata sik taw ay garingang kamatungudun.

Daniel 8:25

Aroro sat fagmakatuun, kanya ban gbabo sat fakamuagun. Ay kanya ban kamanagsag ay we mafaragang anya nu gfabul ngayuk taw. Ay gfawayan ban anggan ngay tagfangguna at funan. Dewa katanya, e gfaurianan ban anya bunwa siginans taw at fagmabalyananun nu bunway Dius tua at fagmabalyananun.

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

2 Pedru 2:18

Kafag ngay taw kamaseganamaun nu garingang, dewa katanya, we tungkul at foyungan. Ay kanya fagayu gfamatanganan sas fagfanugtugun laman gfaylatan gfafoli sas asalanan ngay taw at bagu yay kalfas siginan at yud matuyan fag ngay ugali.

Udas 1:16

Kanya fag ngay taw maksvn nu kamayud, ay maksvn nu gfaning at bilug at fakaylatun, ay kamatungudun sabaliwa at sadili fakamulun, ay gfaylatan tibak taw laman mafafabul at fakaylatun.

At Nafasure 18:8

Nu katanya, sik menit ban gasfuan way nu kadasug faurianan, fakabulun ay fakabaluun ay fanlunus, ay sik afuy nangirug ban anya, aroro mabalyanan tam Fun Dius tagfaurianan anya.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 20:10

Ay Satanas, at nadaya kafag ngay taw, e gukas ban anya sas afuy daul ay asupri, sat fagukasan tagfangagat fag mela ay takamuagan fag taglong. Ay kanya ban fagayu magamut gafaurianan fagayu menit ay fagayu yabi ay kabavn ban.

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.