Daniel 6:4 - Fanawbuid tagsibaliwas Fakayabian

⁴ Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Daniel 6:4 ပူးပေါင်းရင်းမြစ်များ

Fakasigadan 41:38

Ay kanya nalong sat ngay fagsuguan te, “Watam e nalag tibak taw takata Use, Dius at Falad tagsi anya.”

Fakasigadan 43:18

Ay duksayan anlimu kafag fagsuguan nu nataban anya fagayu sas Use at bale aroro namatangan te, “At fagnatabanun antam stae, malgau gamatang yay ebi at nafafoli sa tam ngay fagsuadan fag ngay salapi. Ay nanggamat way siring antam ay namagsuguan ay nangagbilug tam ngay asnu.”

Fangatulun 29:27

At matuyan fag ngay taw ay at mauri fag ngay taw kadkaurian.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 29:7

Fae fagmanabayanuni ay fae ramramani at fagtabanan ayu fag furuan. Ay darangini kafag furuan aroro kanya ban fag furuan nu nke fagmanabayanun, anggan ban am umke fagmanabayanun yangay am.”

Daniel 3:8

Ginanya fag buknga, e sik ngay tagfangalga siginans galeme at kinkakbang sas fun Nabukudunusur ay nafantabugan ngay taw Udyu.

Daniel 5:12

At ngayan Daniel, am mama at nafangayan yangay te, Beltesasar. Kanya e madulo fag fagmakatuun ay fagsafulun. Kanya e fagsafulun gfayamag ngay taginfan, ay saful glong at masuksuk fag ngay longan at masuad, ay saful gfasine at maidap fag ngay malong. Nu katanya, fauroi anya ay kanya ro gfayamag at marirukan sis dingding.”

Daniel 6:22

Ngay liun wa nagat angku, aroro Dius nasugu at tagbarita laman namafagum ngay liun at bibig. Dius nafakamulun takatanya aroro saful way te, masine ku fakamulun ay kwe nafakamulun mauri sa emu.”

Mateu 26:4

Ay kafag ngay taw gkamatoan nu setain nu magamat ay mafabul Isus laman ngay taw wa nasaful.

Mateu 27:18

Aroro Pilatu nasaful te, ngay fagtainan at fagnatabanun Isus sa anya aroro galabian.

Lukas 20:20

Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Lukas 20:26

Ay kanya fag ngay taw wa mafae asalanan Isus sit longan sa sangay taw at daga salubangan. Ay kanya fagayu andulo nu nadungug Isus at famalus, ay anragang nu ginto anya.

Lukas 22:2

Ay ngay fun tagfon fanggalangun ay ngay tagfoyung Muisis at Faugali grvbvy sik balyawvtan laman namabul Isus, aroro kanya fag ngay fagtainan kalimu ngay taw.

Uan 19:4

Ay Pilatu nadog yay naduksun ay nalong sa sangay taw Udyu te, “Gfadog au gfasalubang sa ayu kafag taw laman gfasaful au sa ayu te, kwe nalag at asalanan.”

2 Kurintu. 11:12

Ay gfataglayun au gfakamulun ku fakamulun takatanya laman tibak taw tagsanya we glong te, “Pablu at fakamulun kata yay em fakamulun.”

Filipus 2:15

laman katap tuam fia te, Dius am at ngay sisian, at yud e malong, ay sik fagfaningan kaduge am gfasuglatan sit yud matuyan fag ngay taw, ay laman di e kafoyung sas fagayu taw te, ay fakamulun mauri. Nu katanya tua, gdamlag am sas fagayu taw kata galeme nu masulo sis banwa,

1 Timuteu 5:14

Nu katanya way, gamatangan au te, masine ngap at mabaguina yay fag fagbubayun nu gdog gfanmangama, laman kae sisian ay gulit fia sat talanan, laman at yud gafanud we fagmalongun at mauri sabaliwa antam.

Titu 2:8

Kabavn am aringang at matuyani tua laman di e kaaringang sam foyungan. Nu katanya tua, tam ngay fawayan umkapla aroro di tam e kalong.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

1 Pedru 3:16

Malukmei fia ay masinei tua nu gfayamag am. Tuyani tua gugat te, diam gfakamulun at mauri, laman umkapla nusnga sinu takauri ay tagfalingun ay ugali at masine aroro gfaning am tam Fun Isus.

Tagfangguna 14:4

Aroro at fagtainan wa nasaful te, Yawi tua ngaro at algan Samsun at fagfaningun. Aroro Yawi gfanya sik buknga laman namawayan ngay taw Filistia, aroro ginanya fag ngay buknga ngay taw Filistia gagbilug ngay taw Israel.

1 Samwel 12:4

Ngay taw gbalus Samwel te, “Duan, di o batang kamuag ay gfabayan emi. Ay di o batang gbul em ngay fagagbilugun.”

1 Samwel 18:14

Dabid nafafasludan tua at ngay fakamulun aroro Yawi gufud tua anya.

1 Samwel 22:14

Ay Akimelek nalong sas Saul te, “Aroro nasaful au te, Dabid am nugang ay am fagsuguan at matuyan sa emu. Nustua kanya wan am nafili laman am tagulit, ay fagayu am ngay kalongan gsuyu tua anya.