Daniel 6:26 - Fanawbuid tagsibaliwas Fakayabian

²⁶ Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Daniel 6:26 ပူးပေါင်းရင်းမြစ်များ

Esra 1:3

Dius at ngay taw, afolii wan sas Erusalem ay nandog am nangawat sanya ay Dius Yawi at bale, kanya gbanwan sanya. Ay kanya ban nangus gufud ayu.

Esra 7:21

Au fun Artaserses gsugu au sas fagayu tagalaga ramraman tagsis afud talun sis Eufrates at fakayabian baliwa te, foni sas Esra fag tagfon fanggalangun ay fag tagfoyung Dius at ngay suguan, nusnga setaw at fagetun.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 146:10

Yawi ban nu gfagtainan, di e fakatabuan. Am fag ngay taw tagbanwan sis furuan Siun, ay Dius Yawi wan, ay kanya yangay ban fagayu ay kasugfunanan at Dius. Segi Yawi!

Alubad. 2:11

Fakamuluni at ke fakalimuun sas Yawi, ay fauseganani sa anya.

Alubad. 29:10

Yawi wan tagagbilug lugwak, ay kanya gfunan kabavn.

Alubad. 42:2

Tagleleg fag Dius, kaylat kwa daul nangakbang sa emu. Ginain ya ban manga nu mananseg au emu?

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 4:3

Maksvn nu madulo ay mabalyanan at nafakamulun. Kanya nu gfunan we fakatabuan.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 6:20

Ay kanya nu ndasug sanya, mabaluanan guro te, “Daniel, tagleleg fag Dius at fagsuguan, o Dius nafalangfe tua emu sis wa liun?”

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Usea 1:10

Dewa katanya, kadasug ban tibak menit, gdog kyay ban kafanyu anya fagayu ay kanya ban fagayu umkayu kata lagnas sis tigyangan dagat at yud katap ya. Ay kadasug ban sik menit kanya fagayu kangayan te, ‘ku ngay sisian.’

Malakyas 3:6

“Au Yawi at yud gbadbalian. Ay katanya am fag ngay taw, Akub at kasugfunanan, ay fagyudun namin.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Lukas 1:33

Ay kanya ban gfagtainan Akub at ngay kasugfunanan, ay wa ban e fakatabuan nu gfagtainan.”

Lukas 12:5

Gfoyung au ayu ay fakalimuun: ay fakalimuun Dius tua, aroro nu nafabul ay bilug kanya e fagmabalyananun yay gukas ay falad sas afuy daul. Anud, alimui fia anya.

Fakamulun 17:25

ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain.

Ruma 9:26

Ay, “Nu inda Dius nu glong te, ‘Bunwa am ku ngay taw,’ sanya ban fag talun at ngay taw kangayan te, ‘Tagleleg fag Dius at ngay sisian.’ ”

Deuterunumyu 5:26

O nunda e taw yay tagleleg at nadungug tagleleg fag Dius at aringang siginan sad igang, kata tam nadungug?

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

Ebreu 12:29

Aroro tam Dius kata sik afuy at mafafamin nusnge wain.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 4:10

kanya fag duak safulu e ufatk fagtainan malub sis salubangan faglunggungan, gseg at malunggung sanya, tagleleg kabavn ban. Ay kanya fagayu nafatungkud at ngay sangbo sis salubangan faglunggungan, ay glong te,

At Nafasure 5:14

Ay tagleleg fag ufatk awatan glong te, “Anud.” Ay kafag ngay fagtainan namalub ay naseg Tupa Riangan.

1 Samwel 17:26

Dabid nainto sit akbang fag tagfawayan te, “Sinu atsi fag taw Filistia yud gtoglag Dius ay tagfalingun tagleleg fag Dius at ngay tagfawayan? Nataw ro fun at famonun sat nafabul anya laman karagang wan nu gfapla ngay taw Israel?”

1 Samwel 17:36

Nafakamulun au takatanya sa sangay liun ay sa sangay usu, ay mafakamulun kyangay ro takatanya sa anya. Kafag taw Filistia yud gtoglag Dius, kamatungudun gfalingun tagleleg fag Dius at ngay tagfawayan.