Daniel 6:25 - Fanawbuid tagsibaliwas Fakayabian

²⁵ Sanya ginan fun Daryu nariruk sas fagayu gaban taw sas fagayu talun sas fagdaul daga, tagsaman at ngay fangaringang te, Manabayan tuam nangus.

Daniel 6:25 ပူးပေါင်းရင်းမြစ်များ

Esra 4:17

Ay fun Artaserses nabalus anya fagayu te, Griruk au sa ayu, Rekum fag fun sirut, ay Simsay fag tagriruk ay sas fagayu tagbanwan sis Samarya ay anggan sa tibak talun sis Liskung Eufrates at fakayabian baliwa. Ginsaful au ayu te, o manabayan tuam?

Ester 3:12

Nu katanya, ebi gina taguna fag magdanun sis falabi tuluk menit, Aman nafauro tagriruk. Ay kanya nafawat sik rirukan laman sas fagayu tagfagtainan sit fagfagtainanan, sa sangay afud talun at ngay fun, ay sa sangay tagfangguna sa sangay furuan, sat sadili fangaringang. Kanya fag rirukan nafawat sas fun Akasuerus at ngayan, ay nafae fagtoglagan siginans fun at fanumyu.

Ester 7:10

Nu katanya, kanya fagayu narabing Aman sat nafalganan fag fagrabingan laman sas Mardukyu. Ay fun at dotama nalyam wan.

Ester 8:9

Nu katanya, gina sis faduak safulu e tuluk menit sis fatuluk magdanun, Siban fag magdanun, nafauro ngay tagalaga fun at ngay ramraman. Kanya fagayu nariruk Mardukyu at ngay nalong. Kanya fag rirukan laman sa sangay taw Udyu, sa sangay fun ayu sirut, sa sangay fun ay sa tibak tagfangguna tagsanya fag ngay afud talun fag sik sandan duak safulu e fitu, tagsiginans Indya sitsigons Etiupya. Ay nariruk takatanya sas fagayu gaban taw at fangaringang, anggan sa sangay taw Udyu at fangaringang.

Alubad. 7:15

Ay kanya fagayu kata sik takali lusung laman sat ngay iba, dewa katanya, kanya yay ban fagayu at nangatong sanya.

Alubad. 9:16

Yawi nafatoglag at sadili siginan nu matuyan nu gfawabilugan ngay taw. Ay ngay tagasalanan umfaurianan aroro sat ngay sadili nafakamulun.

Fangatulun 11:8

Dius gfalangfe tua at matuyan fag taw gina e fagidapun, dewa katanya, kanya gfabayan way at mauri fag taw.

Daniel 3:4

tagfosuk longan nauro te, “Fagayu gaban taw tagsiginans fagayu talun sas fagdaul daga, tagsaman at ngay fangaringang,

Daniel 4:1

Fun Nabukudunusur nawat sik fansulitan laman sas fagayu gaban taw sas fagayu talun sas fagdaul daga, tagsaman at ngay fangaringang. Katatuy at rirukan: Sumawa nangus fia ayu at masine fag kayaunanan.

Deuterunumyu 19:19

faurianani anya kata at faurianan ma sat iba. Falyami wan siginan ayu takatanya fag fagmauriun.

1 Pedru 1:2

Am wan Dius tam Mama at ngay nafili kata at fagsafulun siginans fakasigadan. Ay at Masine fag Falad gfasine ayu, laman gfaning tuam Isus tam Fun ay laman umkalyam ay ngay asalanan siginan at nabulanan. Sumawa nangus fia ayu tagtungud at fagmagalangun ay at fagmanabayanun.

2 Pedru 1:2

Sumawa fia ayu Dius at fagmagalangun ay at fagmanabayanun siginan ay natoglagan tam Fun Isus tam Dius.

Udas 1:2

Sumawa nangus fia ayu fakafanyun ay fagmanabayanun ay fakesugun.