Daniel 6:10 - Fanawbuid tagsibaliwas Fakayabian

¹⁰ Ay Daniel nu nasaful te, fun Daryu nawat wan kafag faugali, kanya noli sat bale ay nasakbo sa tiba tungud fag salug. Sanya at fagbanawanan gsalubang sas Erusalem. Ay Daniel natudan ay gdarangin sas Dius tulu ginan sik menit, kata at fakamulun gugat.

Daniel 6:10 ပူးပေါင်းရင်းမြစ်များ

1 Fun 8:30

Dungugani ku fagetun, ay am ngay taw at fagetun, gina ami gdarangin gsalubang stae. Ay dungugani emi sanya sis banwa am fagbanwanan, ay nu gdungug tuo emi falyami em ngay fagmauriun.

1 Fun 8:38

ay am ngay taw Israel nu gdarangin tua ay nu get tua gubuk aroro sat fagidapun ay nu gfalugde tua at daluap ste fag bale,

1 Fun 8:44

“Nu nasugu ban o am ngay taw laman namawayan at ngay fawayan, ay kanya ban fagayu nu gdarangin tua sa emu gsalubang ste fag furuan ay ste fag bale ku nafawat laman gfauseganan emu,

1 Fun 8:54

Sulumun kaduge gdarangin, gtudan sis salubangan fagirugan fanggalangun laman sas Yawi, ay gfabat at ngay take sas banwa. Ay nu ntabu gdarangin,

2 Krunika 6:13

Kanya nananmalindug sat nafawat fag faglindugan at mawatan siginan tansu. Kanya fag faglindugan at kabaan ay at kadaulan limak siu, ay at kabatan tuluk siu. Sanya ginan, Sulumun natudan sis salubangan ngay taw Israel ay nafabat at ngay take sabaliwas banwa,

2 Krunika 6:38

dungugi tua ban at darangin. Ay kanya fagayu nu kafoli sa emu nu fagdaul tua at amatanganan, dewa yay sit fagatabananan fag talun, ay nu gdarangin tua sa emu gsalubang ste fag talun am nafon sat ngay mangaguyang, ay ste fag furuan ay ste fag bale ku nafawat laman gfauseganan emu,

Esra 9:5

“Ay gina namon fanggalangun tagsis fafun baliwa nafaragang kwan nu gfalag au te, kabalu au. Ay dewa ku lanbung magiratan, namalub au ay nafabat ku take laman gdarangin au sa ku Dius Yawi.

Nemyas 6:11

Ay nabalus au te, “Au wan si sik afud talun at fun; wain ro ku faglagyuun ay ku fagnansuksuanun yay sas Dius at bale laman namalangfe ku leleg? Duan, kwa nanuksuan!”

Alubad. 34:1

Kabavn, gseg au Yawi. Ay kwa gfaragang nu gseg au anya.

Alubad. 5:7

Dewa katanya, siginan am kamafangesugan, mananakbo ktua sam bale fakafulan laman kamababaun au nanseg emu.

Alubad. 55:17

Galay balabag ay swabilug menit anggan sfafun, gfoyung au gugat ku ngay fagidapun, ay gfandeng au laman get gubuk sas Yawi. Ay kanya gbalus tua angku.

Alubad. 86:3

Fun Dius, afanyui angku, aroro nu gdarangin au sa emu fagngaba wak menit.

Alubad. 95:6

Gewan garungan watam ay gseg Yawi, at nawat antam,

Daniel 6:13

Kanya fagayu nalong sas fun te, “Daniel, at sadi at natabanan siginans Uda, wa gfaning am faugali. Kanya gdarangin tulu ginan galay menit.”

Daniel 9:4

Katatuy ku nalong gina au gdarangin sas Yawi ku Dius ay get au famawakalong sa em ngay asalanan: “Em Fun, o sik mabalyanan ay madulo fag Dius. Gfafasludan o am nasadian, ay kesug o takesug emu ay tagfaning am ngay suguan.

Unas 2:4

Ay naiyan o angku siginan am daga salubangan, dewa katanya, e fagsegun kyay gdog nangakbang sa emu, sam bale yud e malong.

Markus 3:3

Ay Isus nalong sat yud mafalelegan at daluap te, “Gewan, stei sfagunan.”

Lukas 14:26

“Sik taw wa ban masine kangayan te, ku tagadal, nu dway kesug angku gtungud yay nu kesug at mama, ay at mina, ay at mangena, ay at ngay sisian, ay at ngay faduksay, ay anggan at sadili.

Lukas 22:41

Ay Isus nalo kayayu nu e naukas sik gang, ay natudan ay gdarangin te,

Fakamulun 10:9

Ay balabag di nu swabilug menit wan, Kurnelyu at fagsuguan fag tulu nu munakbang wan sas furuan Upa, Pedru nasas tungud bale laman nandarangin.

Fakamulun 2:15

Duan, wa kata ay namatangan te, in fag ngay taw galangu, aroro katsi fasiam yay sbalabag.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 20:36

Ay nu ntabu wan nu garingang, Pablu gtudan ay gdarangin gasfuan sanya fag ngay taw.

Fakamulun 21:5

Ay nu nlangfe sik linggu, nalo wami sanya ginan laman gfataglayun wami glao. Ay fagayu tagafanud anggan at ngay sisian nanangufud yay emi sas day furuan sas tigyangan dagat. Sanya ginan, natudan ami laman gdarangin.

Fakamulun 3:1

Sik menit, gina sis fatulu sfafun, Pedru ay Uan nalao sas Dius at bale laman nandarangin, aroro ginanya fandaranginan.

Fakamulun 4:29

Em Fun, saful way o kafag ngay taw mauri at algan sa emi. Nu katanya, fabitsugi emi laman maseganama nu gfoyung ami am longan.

Fakamulun 5:20

“Loi wan sas Dius at bale ay foyungi sa baliwa at bagu fag leleg tagsiginans Dius.”

Fakamulun 5:29

Pedru ay at ngay ufud nabalus te, “Dius tua em fagfaningun, bundi nusnga sinu fag taw.

Fakamulun 7:60

Ay nu ntabu gdarangin, natudan ay guro te, “Ku Fun, lag o gamatangan tuy fag ngay taw at asalanan.” Ay kanya nu nalong wan takatanya, anbul wan.

Fakamulun 9:40

Sanya ginan, Pedru nafaduksun ngay taw ay gtudan gdarangin. Ay nu ntabu wan, nasalubang sas Tabita ay nalong te, “Tabita, alindugi!” Ay nafamandama ay nalag Pedru ay kanya anlunggung.

Efesu 3:14

Ay nu namatang au takatanya fagayu, gtudan au gdarangin sa tam Mama.

Filipus 1:14

Siginan yangay nu maubungan au, ngayu tam faduksay at kinkaksvn at fagafanudun sas Dius, ay maseganama yangay nu kamoyung Dius at longan.

Filipus 1:20

Ay ku fakaylatun ay ku fagsegun kdi ban nangus umkapla nusnga setaw at kumdasug sa angku, abat ngate, gfaksvn au ku amatanganan, laman dewa au gleleg yay ay dewa au nbul wan, gfauseganan ktua gugat tam Fun Isus.

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

At Nafasure 2:13

Saful kway te, ay fagbanwanan siway Satanas at fagbanwanan, dewa katanya, matuyan tuam gugat sa angku. Ay diam natalyuyan ay fagafanudun sa angku, dewa ebi gina e gfabul Antipas, ku tagfatuyan at matuyan fia, sanya si ay furuan, sis Satanas at fagbanwanan.