Daniel 5:23 - Fanawbuid tagsibaliwas Fakayabian

²³ abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Daniel 5:23 ပူးပေါင်းရင်းမြစ်များ

Fakasigadan 14:19

Ay Melkisedek nafadante Abram ay nalong te, “Tiba Tungud fag Dius at nawat banwa ay daga gfadante nangus emu.

Fakasigadan 2:7

Yawi nawat taw siginans lukbu. Ay kanya nauyup sat dungus laman kanya fag taw gleleg. Nu katanya, at nawat fag taw ansik tagleleg fag awatan.

2 Fun 14:10

Anud wan Amasya, nababo o Edum ay nafamatungudun wo. Useganani way, ay lag yap o glelegan siginan am talun. Nu gfawayan wayo emi, namaurianan way o am sadili ay fagayu taw Uda.”

Ub 12:10

Fagayu at awatan at ngay leleg siwa at daluap, ay anggan taw at engasan.

Ub 31:4

O nunda Dius wa glag ku ngay dalan, ay gtap ku ngay siklang?

Alubad. 104:29

Ay nu natalyuyan o anya fagayu, maksvn nu gafanawa. Ay nu nabul o at engasan, kanya fagayu kabul wan ay kafoli sas daga.

Alubad. 115:16

Yawi tagagbilug banwa, ay nafatigwanan sa sangay taw fagdaul daga.

Alubad. 139:3

Dewa au gtungkud ay gfakamulun, glag way o angku. Ay saful way o fagayu ku fakamulun.

Alubad. 146:4

Kanya ban fagayu nu nbul, kafoli way sas daga, ay fagayu ban at ngay algan kalyam yangay.

Fangatulun 20:24

Yawi tua at nafalganan tam dalan, nu katanya, wa tam saful sa bans fagunan.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 14:13

Ebi gamatangan o te, ‘Sumakbo au sas banwa, laman nangawat au ku faglunggungan sas tungud Dius at nawat fag ngay galeme. Ay nanmalunggung au sas fawalan baliwa sas tungud buksul nu inda ngay dius nu maful.

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 33:10

Yawi nalong te, “Katsi namakamulun kwan, ay fagayu ban taw sumeg angku.

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Eremyas 10:23

Yawi, nasaful au te, bunwa taw tagagbilug at leleg ay wa saful takadasug sa anya.

Eremyas 48:26

Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 50:28

“Dungugani at nalagyu fag ngay taw siginans talun Babilunya nu gfansulit sas Erusalem nu setain Yawi nu gfaurianan talun Babilunya aroro sat nafakamulun sas Yawi at bale.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Esekyel 28:17

Kamatungudun o aroro sam fagmasineun, ay nagbilug o am fagsafulun sat mauri fag fakamulun. Kanya wan ku fagnafababaun emu sas daga si sangay fun at daga salubangan, laman at famararang sanya fag ngay taw.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Esekyel 28:5

Aroro sik tagsaful o gfabangsi, anfamut yay am ramraman, nu katanya, kamatungudun o.

Esekyel 31:10

“ ‘Nu katanya, Fun Dius Yawi glong te, tuy fag kayu nafamatungudun, aroro ngabat abat yap tua tibak kayu.

Daniel 11:12

Aroro kanya nababo, kanya kamatungudun ay ngayu yay at fagnamabulun. Dewa katanya, wa ban gugat gbabo.

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Daniel 8:11

Kanya natuyan at sadili te, amabalyanan yap tua tagfangguna ngay awatan sis banwa. Nu katanya, kanya nafaragang nu gfon fanggalangun ay nafauri Yawi at bale.

Abakuk 2:4

“Katatuy am fagnanrirukun: Damai. Takamatungudun fag ngay taw wa matuyan at ngay fakamulun. Dewa katanya, matuyan fag taw gleleg tua, aroro sat fagafanudun.

Fakamulun 17:25

ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain.

1 Kurintu 8:4

Nu katanya, sabaliwas fakonun at nafon sat yud matuyan fag ngay fagsegan, saful watam te, ngay fagsegan bunwa kanya at matuyan fag Dius, ay tam Dius sadi way.

1 Timuteu 3:6

Ay at masine kanya nu glugo wan nu gafanud, aroro kanya nu bagu yay gafanud, mafamatungudun ay manfaurianan kata at kinfasludan sas Satanas.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

At Nafasure 9:20

Ay ngay taw at yud anbul siginan kafag faurianan, wa gfaragang nu gseg at ngay awatan fag ngay fagsegan. Kanya fagayu gfataglayun yay gugat nu gseg ngay falad, ay sa sangay fagsegan at mawatan siginans gintu, salapi, tansu, gang, ay kayu, ngay fagsegan at yud glag, yud gdungug, ay yud malao.

Tagfangguna 16:23

Taw Filistia at ngay tagfangguna gdog yay namaful laman namauseganan ay namon ngay fanggalangun sat fagsegan Dagun. Kanya fagayu gfauseganan galubadan te, “Tam fagsegan nafababo antam siginan tam fawayan Samsun.”

1 Samwel 17:26

Dabid nainto sit akbang fag tagfawayan te, “Sinu atsi fag taw Filistia yud gtoglag Dius ay tagfalingun tagleleg fag Dius at ngay tagfawayan? Nataw ro fun at famonun sat nafabul anya laman karagang wan nu gfapla ngay taw Israel?”

1 Samwel 17:36

Nafakamulun au takatanya sa sangay liun ay sa sangay usu, ay mafakamulun kyangay ro takatanya sa anya. Kafag taw Filistia yud gtoglag Dius, kamatungudun gfalingun tagleleg fag Dius at ngay tagfawayan.