Daniel 5:18 - Fanawbuid tagsibaliwas Fakayabian

¹⁸ “Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Daniel 5:18 ပူးပေါင်းရင်းမြစ်များ

2 Fun 25:28

Kanya malukme sas Yuyakin ay nafauseganan anya gtungud yay sa tibak fun at natabanan sas Babilunya.

Alubad. 47:2

Yawi wan Tiba Tungud fag Dius, ay kanya sik fagsuyuun, ay sia wan fagdaul daga at Fun at mabalyanan.

Alubad. 7:17

Gfauseganan au Yawi aroro matuyan. Ay galubad au sik fagusegananun sas Yawi, Tiba Tungud fag Dius.

Alubad. 9:2

Tiba Tungud fag Dius, nangalubad au guseganan aroro sa emu. Nangalubad au namauseganan emu.

Alubad. 92:8

Yawi, dewa katanya, kabavn o tua tiba tungud sas fagayu.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Takabalu 3:35

ay wa yangay kaylat nu e gfayud e masuad ngay taw at fagmatuyanun.

Takabalu 3:38

Tiba Tungud fag Dius at ke algan fagayu takafasludan, at masine ay at mauri.

Esekyel 31:11

Nu katanya, namon kban anya sat mabalyanan fag ngay fun. Ay matuyan wan, kanya ban umfaurianan aroro sat fagmauriun. Anud, gaiyan kwa ban anya.

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 4:2

Kaylat au gfasaful sa ayu Tiba Tungud fag Dius at nafakamulun sa angku fag ngay madulo.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 5:21

ay nafayayu siginans ngay taw. At amatanganan kata sik fagbaugun at amatanganan. Kanya nabanwan gfadgaloan at mela fag ngay asnu, ay kata baka, kanya kon bariri, ay damug gfabasa anya, yakmay kanya natoglag te, Tiba Tungud fag Dius at ke fagmabalyananun sa sangay fagfagtainanan, ay at ke fagmakatuun gfasik funan nusnga sinu at fakaylatun.

Daniel 6:22

Ngay liun wa nagat angku, aroro Dius nasugu at tagbarita laman namafagum ngay liun at bibig. Dius nafakamulun takatanya aroro saful way te, masine ku fakamulun ay kwe nafakamulun mauri sa emu.”

Fakamulun 26:13

Fun Agripa, ginami sangaba dalan, sis wabilug menit nalag au sik mayamag siginans banwa, amasulo yap tam menit ay nayamag sa ku ligung ay anggan sa ku ngay ibama.

Fakamulun 26:19

“Aroro katanya, fun Agripa, kdi nafamabo ku nalag fag taginfan siginans banwa.

Fakamulun 7:48

“Dewa katanya, Tiba Tungud fag Dius wa gbanwan sis taw at nawat fag bale. Kata at taglong at longan te,

Deuterunumyu 32:8

Gina Tiba Tungud fag Dius gfon sa sangay talun at ngay taw at ngay fagbanwanan, ay gina gfasadsamanan ngay tagbanwan, kanya nafae ngay fatuan at ngay mesa talun, kata Dius at ngay tagbarita at kayuan.