Daniel 5:16 - Fanawbuid tagsibaliwas Fakayabian

¹⁶ Ay nadungug au te, saful o gfayamag at ngay masuksuk ay makatu o gfasine ngay malong. Nu nasaful tua ro wo gtap at marirukan sis dingding ay nafayamag at masuad, gfasulun kro sa emu sik lanbung at masine ay sik dalag at mawatan siginans gintu. Ay gfili kro emu laman at fatuluk tagfangguna si ku fagfagtainanan.”

Daniel 5:16 ပူးပေါင်းရင်းမြစ်များ

Fakasigadan 40:8

Ay duama gbalus anya te, “Nataginfan ami ay we gfayamag sa emi at masuad.” Use glong te, “Dius tagfon fagsafulun laman gfayamag ngay taginfan at masuad.”

Fakasigadan 41:15

Ay Igiptu at fun nalong sa anya te, “E taginfan au ay we mafafayamag at masuad. Ay e nafansulit sa angku te, saful o gfayamag ngay taginfan at masuad.”

Fakasigadan 41:42

Ay Igiptu at fun nabul wa vtv siginan at sumyu at fanriruk fag fanumyu ay nafasulun sas Use at sumyu, ay nafaelanbung anya sik lanbung at mawatan siginan at masine fag ramit, ay nafadalagan anya sik dalag at mawatan siginans gintu,

Daniel 2:48

Sanya ginan, fun Nabukudunusur nafon sas Daniel ngayuk famonun, ay nafili anya laman sik tagfangguna sa sik afud talun Babilunya ay laman tagfangguna sa sangay tagfangatulun.

Daniel 2:6

Ay nu nafoyung tua ro am ku taginfan ay nafayamag at masuad, namon kban sa ayu nusnge wain, ay gfae fagusegananun kban gugat ayu. Katsi wan, foyungi angku ku taginfan ay fayamagi masuad.”

Daniel 5:29

Sanya ginan, fun Belsasar nasugu te, “Fasuluni sas Daniel sik lanbung at masine ay sik dalag at mawatan siginans gintu.” Ay fun nafili anya laman at fatuluk tagfangguna sit fagfagtainanan.

Daniel 5:7

Kanya nauro at ngay tagfangufit, tagfangalga siginans galeme ay taginsaful. Kanya fagayu nu ndasug, fun nalong sa anya fagayu te, “Nusnga sinu tua ro at matap at marirukan sis dingding ay at mafayamag at masuad, gfasulun kro sa anya sik lanbung at masine ay sik dalag at mawatan siginans gintu. Ay gfili kro anya laman at fatuluk tagfangguna si ku fagfagtainanan.”

Daniel 6:2

Kanya fag ngay fun ayu sirut siways tuluk tagfangguna at daga fagmabalyananun, at sadi si kafag tuluk tagfangguna, Daniel. Fun Daryu nafakamulun takatanya laman di gadayan.

Fakamulun 8:18

Ay Simun nu nalag te, ngay tagafanud anke Masine fag Falad, siginan duama nu gfatayuk at daluap, kanya kaylat namon salapi laman at famayad