Daniel 5:12 - Fanawbuid tagsibaliwas Fakayabian

¹² At ngayan Daniel, am mama at nafangayan yangay te, Beltesasar. Kanya e madulo fag fagmakatuun ay fagsafulun. Kanya e fagsafulun gfayamag ngay taginfan, ay saful glong at masuksuk fag ngay longan at masuad, ay saful gfasine at maidap fag ngay malong. Nu katanya, fauroi anya ay kanya ro gfayamag at marirukan sis dingding.”

Daniel 5:12 ပူးပေါင်းရင်းမြစ်များ

Alubad. 16:3

Sabaliwa sangay taw at yud e malong tagbanwan sis talun Israel, gfauseganan au ayu.

Fangatulun 12:26

At matuyan fag taw ggubuk tua at fagadgalangan, dewa katanya, at mauri fag taw gtaban way sas fagmauriun.

Fangatulun 17:27

Sik taw at ke fagsafulun, ay at mamatanganan, di glong nu dway matuyan, ay di gfangabanganan.

Esekyel 28:3

Gamatangan o te, amamatanganan yap tuo Daniel ay wo e fagyudun saful at masuksuk.

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 1:7

Ay Aspenas natubus kafag ngay baguama at ngayan. Ay nafangayan Daniel te, Beltesasar, ay Kananya, Sadrak, ay Misael, Mesak, ay Asarya, Abednegu.

Daniel 2:26

Fun Nabukudunusur nainto Daniel te, “O anud mafafoyung ro wo sa angku ku nataginfan, ay mafafayamag at masuad?”

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 4:8

Ay sanya ginan, Daniel ankakbang sa angku. (Nafangayan anya te, Beltesasar kata ku dius at ngayan. Si wa anya ngay dius at falad.) Ay nafansulit au sa anya ku taginfan.

Daniel 5:14

Nasaful au te, si emu ngay dius at falad ay e fagsafulun o ay mamatanganan.

Daniel 5:16

Ay nadungug au te, saful o gfayamag at ngay masuksuk ay makatu o gfasine ngay malong. Nu nasaful tua ro wo gtap at marirukan sis dingding ay nafayamag at masuad, gfasulun kro sa emu sik lanbung at masine ay sik dalag at mawatan siginans gintu. Ay gfili kro emu laman at fatuluk tagfangguna si ku fagfagtainanan.”

Daniel 6:3

Daniel natungud tua at duama aroro siginan at madulo fag fagmakatuun. Ay nu katanya, fun at algan nanfili anya laman tagfangguna sas fagdaul at fagfagtainanan.

Daniel 6:4

Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Kulusas 1:29

Gugatan au gfakamulun takatanya siginan tam Fun Isus at fon angku fag fagmabitsugun.